మే 18న సూర్య రాక్షసుడు పాటల హంగామా

Posted: 05/11/2015 04:23 PM IST

సూర్య హీరో నటిస్తున్న ‘మాస్’ తమిళ చిత్రాన్ని తెలుగులో ‘రాక్షసుడు’ పేరుతో విడుదల చేయనున్న విషయం తెలిసిందే. ఇటీవలే విడుదలైన తెలుగు వెర్షన్ ట్రైలర్ కు మంచి రెస్పాన్స్ వస్తుంది. పూర్తి యాక్షన్ లవ్ ఎంటర్ టైనర్ గా రూపొందుతున్న ఈ చిత్రానికి యువన్ శంకర్ రాజా సంగీతం అందిస్తున్నాడు.

ఇటీవలే ఈ చిత్ర తమిళ వర్షెన్ ఆడియో నేరుగా మార్కెట్లోకి విడుదల చేసారు. ఈ ఆడియోకు మంచి స్పందన వస్తుంది. ప్రముఖ దర్శకుడు వెంకట్ ప్రభు దర్శకత్వంలో తెరకెక్కుతున్న ఈ చిత్రాన్ని స్టూడియో గ్రీన్‌తో కలిసి సూర్య సొంతంగా నిర్మిస్తున్నాడు.

ఈ చిత్ర తెలుగు వర్షెన్ ఆడియో విడుదల తేదిని ఖరారు చేసారు. ‘రాక్షసుడు’ చిత్ర ఆడియోను ఈనెల 18వ తేదిన హైదరాబాద్ లో ఘనంగా విడుదల చేయడానికి సన్నాహాలు చేస్తున్నారు. ఈ కార్యక్రమానికి చిత్ర యూనిట్ హైదరాబాద్ కు రానున్నారు.

సూర్య సరసన నయనతార, ప్రణీత హీరోయిన్లుగా నటించారు. భారీ అంచనాలతో రూపొందుతున్న ఈ చిత్రాన్ని ప్రపంచ వ్యాప్తంగా మే 29న తెలుగు, తమిళ భాషలలో భారీ ఎత్తున విడుదల చేయనున్నారు. త్వరలోనే అన్ని వివరాలు అధికారికంగా ప్రకటించనున్నారు.

Video Source: TFPC