చివరి దశకు చేరుకున్న సుబ్రమణ్యం ఫర్ సేల్ షూటింగ్

Posted: 04/30/2015 10:47 AM IST

‘రేయ్’, ‘పిల్లా నువ్వులేని జీవితం’ చిత్రాల తర్వాత సాయిధరమ్ తేజ్ హీరోగా నటిస్తున్న తాజా చిత్రం ‘సుబ్రమణ్యం ఫర్ సేల్’. ప్రముఖ దర్శకుడు హరీష్ శంకర్ దర్శకత్వంలో శ్రీ వెంకటేశ్వర క్రియేషన్స్ బ్యానర్ పై నిర్మాత దిల్ రాజు నిర్మిస్తున్న ఈ చిత్రానికి మిక్కీ జే.మేయర్ సంగీతం అందిస్తున్నాడు.

ఇందులో సాయిధరమ్ తేజ్ సరసన రెజీనా హీరోయిన్ గా నటిస్తుంది. ఇప్పటికే వీరిద్దరూ కలిసి నటించిన ‘పిల్లా నువ్వులేని జీవితం’ చిత్రంలోని వీరి జోడికి మంచి మార్కులే పడ్డాయి. ప్రస్తుతం ఈ చిత్ర షూటింగ్ యూఎస్ లో జరుగుతోంది. యూఎస్ షెడ్యూల్ తర్వాత ఇండియాలోని పలు లొకేషన్స్ లలో షూటింగ్ జరుపనున్నారు.

ఇండియా షెడ్యూల్ తో షూటింగ్ మొత్తం పూర్తి కానుంది. ఇందులో ఆదాశర్మ ఓ కీలక పాత్రలో నటిస్తుంది. కమర్షియల్ ఫ్యామిలీ ఎంటర్ టైనర్ గా రూపొందుతున్న ఈ చిత్రం త్వరలోనే ప్రేక్షకుల ముందుకు రానుంది. ఇప్పటికే విడుదలైన తీన్ మార్ డాన్స్ టీజర్ కు భారీ రెస్పాన్స్ వచ్చింది.