అదృష్టం కలిసిరాక ఐటెంగా మారిన హీరోయిన్!

Posted: 04/20/2015 07:41 PM IST

Nikitha item song vishal paayum puli movie

ప్రస్తుతం వస్తున్న ప్రతి సినిమాలోనూ ఐటెంసాంగులు ప్రధాన ఆకర్షణగా నిలిచిపోయాయి. ఈ పాటలేనిదే సినిమాయే లేదన్న భావన ప్రేక్షకుల్లో, సినీవర్గాల్లో వుండిపోయింది. దీంతో దర్శకనిర్మాతలు ప్రత్యేకంగా ఈ పాటలను తమ సినిమాల్లో అరేంజ్ చేసుకుంటున్నారు. కాలక్రమంలో వీటిని మరింత ప్రజాదరణ పొందిన నేపథ్యంలో కథానాయికలు సైతం ఈ పాటల్లో నృత్యించేందుకు ఎక్కువ ఇంట్రెస్ట్ చూపిస్తున్నారు. ఇటువంటి సాంగుల్లో హీరోలతో స్టెప్పులేస్తే తమ పాపులారిటీ మరింత పెరుగుతుందన్న ఉద్దేశంతో స్టార్ హీరోయిన్లు సైతం ముందుకు వస్తున్నారు. ఇక అరకొర సినిమాలు చేసుకుంటున్న తారలైతే ఐటెంసాంగుల్లో నటించేందుకు పోటీపడుతున్నారు. ఇప్పుడు తాజాగా ఈ జాబితాలోకి నిఖిత కూడా చేరిపోయింది.

తెలుగు, తమిళ, కన్నడ, మలయాళ తదితర దక్షిణాది భాషాచిత్రాల్లో ఎన్నో సినిమాల్లో నటించింది నటి నిఖిత! ఒకప్పుడు టాలీవుడ్ లో మంచి పేరు పొందిన ఈ అమ్మడు.. తర్వాత కొత్త తారల హవా నేపథ్యంలో ఈమె ఇమేజ్ పడిపోయింది. దీంతో కన్నడ, తమిళం, మలయాళంలో సినిమాలు చేసుకుంటూ కాలం గడుపుతోంది. అయితే.. అక్కడ కూడా ఈమెకు భారీ సినిమాల్లో నటించే అదృష్టం లేకపోవడంతో అరకొర సినిమాలు చేసుకుంటోంది. ఈ క్రమంలోనే ఈమెకు ఐటెంసాంగులో నటించేందుకు ఆఫర్ రాగా.. ఏమాత్రం ఆలస్యం చేయకుండా వెంటనే ఒప్పేసుకుంది. అది కూడా హీరో విశాల్ సినిమాలో ఈ ఐటెం ఆఫర్ రావడంతో అమ్మడు ఎగిరి గంతులేసిందట! కనీసం ఈ పాటతోనైనా తమిళంలో తనకు కాస్త గుర్తింపు పెరుగుతుందన్న ఆకాంక్షతోనే ఈ పాటలో నటించేందుకు గ్రీన్ సిగ్నల్ ఇచ్చిందని సన్నిహితవర్గాలు పేర్కొంటున్నాయి.

విశాల్ హీరోగా నటిస్తున్న ‘పాయుం పులి’ అనే సినిమాలోనే నిఖిత ఐటెం సాంగులో నటిస్తోంది. ఇప్పటికే ఈ పాట చిత్రీకరణ ముగిసింది. భారీగా వేసిన మార్కెట్ సెట్ లో ఈ పాటను చిత్రీకరించారని.. ఈ సాంగ్ సినిమాకి హైలెట్ గా నిలుస్తుందని చిత్రం యూనిట్ తెలుపుతోంది. మరి.. ఈ పాట నిఖిత కెరీర్ కి ఏమాత్రం హెల్ప్ అవుతుందో వేచి చూడాల్సిందే!