అబ్బా... ఏం జెప్పినవ్ సంపూ... అందుకే నువ్వు కిరాక్ బర్నింగ్ స్టార్!

Posted: 04/14/2015 12:57 PM IST

బర్నింగ్ స్టార్ పెద్ద తప్పు చేసేసాడు. మన భారతదేశానికి స్వాతంత్రం ఎప్పుడొచ్చిందయ్యా అంటే.. ఎవ్వరైనా కూడా ఆగష్టు 15, 1947 అని చెప్తారు. కానీ బర్నింగ్ స్టార్ సంపూర్నేష్ కు మాత్రం నాలుగు నెలల ముందే వచ్చిందట. స్వాతంత్రం ఎప్పుడు వచ్చిందో తెలియకుండానే దేశప్రజల కోసం ఓ పాట పాడేసి, వాళ్లకు అంకితం ఇవ్వాలని తెగ ఆరాటపడుతున్నాడు.

బర్నింగ్ స్టార్ సంపూర్ణేష్ బాబు హీరోగా ‘కొబ్బరిమట్ట’ అనే చిత్రం తెరకెక్కుతున్న విషయం తెలిసిందే. ఈ సినిమాలో సంపూ పెదరాయుడు, పాపారాయుడు, ఆండ్రాయుడు అనే మూడు పాత్రల్లో కనిపించబోతున్నాడు. అయితే ఇందులో సంపూ ఓ పాట కూడా పాడాడు.

ఈ పాటను రేపు(ఏప్రిల్ 15)న విడుదల చేయనున్నారు. అయితే ఇందుకోసం ఓ ప్రకటనను విడుదల చేసాడు సంపూ. తన సోషల్ మీడియా ఫేస్ బుక్ అకౌంట్ లో పోస్ట్ చేసాడు. ఇంతకీ స్వాతంత్రానికి, సంపూ సినిమాకు ఎంటీ సంబంధం? సంపూ చేసిన ఆ తప్పు ఏంటి అని అనుకుంటున్నారా? అయితే ఈ ప్రకటనలో ఎంత పెద్ద తప్పు వుందో మీరే చూడండి. ఈ ఫోటోకు జనాలు దారుణమైన కామెంట్లు పెట్టేస్తున్నారు. మరి ఈ విషయంపై సంపూ ఎలాంటి క్లారిటీ ఇస్తాడో చూడాలి.