ఏప్రిల్ 4న ఓకే బంగారం పాటలు విడుదల

Posted: 04/01/2015 12:37 PM IST

Ok bangaram movie audio release on 4 april

ప్రముఖ మణిరత్నం దర్శకత్వంలో నిత్యామీనన్, దుల్కర్ సల్మాన్ హీరోహీరోయిన్లుగా నటిస్తున్న తాజా చిత్రం ‘ఓకే బంగారం’. ఈ చిత్రం ప్రస్తుతం కోలీవుడ్ లో హాట్ టాపిక్ గా మారింది. తమిళంలో ‘ఓకే కణ్మని’ పేరుతో తెరకెక్కుతున్న ఈ చిత్రాన్ని తెలుగులో ‘ఓకే బంగారం’ పేరుతో విడుదల కానుంది.

ఏఆర్ రెహమాన్ సంగీతం అందిస్తున్న ఈ చిత్ర ఆడియోను ఏప్రిల్ 4న ఘనంగా విడుదల చేయనున్నారు. ఇటీవలే విడుదలైన ఈ చిత్ర ట్రైలర్ కు భారీ రెస్పాన్స్ వస్తోంది. గతంలో మణిరత్నం దర్శకత్వంలో వచ్చిన ‘సఖి’ చిత్రం తరహాలోనే ఈ ‘ఓకే బంగారం’ చిత్రం కూడా ఓ బ్యూటీఫుల్ లవ్ అండ్ రొమాంటిక్ ఎంటర్ టైనర్ గా వుండబోతుందని చిత్ర యూనిట్ చెబుతున్నారు.

ఇటీవలే ఈ చిత్ర ఆడియో ట్రాక్ లిస్ట్ ను విడుదల చేసారు. ఇందులో మొత్తం 9 పాటలున్నాయి. ఈ చిత్రాన్ని ఏప్రిల్ 14న తెలుగు, తమిళ భాషల్లో ఒకేసారి విడుదల చేయ్యడానికి ఈ చిత్ర యూనిట్ సన్నాహాలు చేస్తున్నారు.