చెర్రీ కోరిక తీరుతుందా..?

Posted: 03/14/2015 06:57 PM IST

మెగాపవర్ స్టార్ రామ్ చరణ్ తేజ్ తండ్రి చిరు వారసత్వంతో ఇండస్ట్రీలోకి ఎంట్రీ ఇచ్చినప్పటికీ.. తక్కువ కాలంలోనే తనకంటూ ఒక ప్రత్యేక ఇమేజ్ క్రియేట్ చేసుకున్నాడు. ‘మగధీర’తో బాక్సాఫీస్ రికార్డులను తిరగరాసిన ఈ ‘ఆరేంజ్’ బుల్లోడు.. ‘గోవిందుడై’ అందరివాడయ్యాడు. ప్రస్తుతం ఇతను ‘మై నేమ్ ఈజ్ రాజ్’ అంటూ త్వరలోనే ప్రేక్షకుల ముందుకు రానున్నాడు. త్వరలోనే ఓ బాలీవుడ్ మూవీలో కూడా కనువిందు చేయనున్నాడని సమాచారం!

ఇదిలావుండగా.. చెర్రీ తాజాగా ఓ కోరికను వెల్లడించాడు. ఇతర భాషా చిత్రాల్లో నటించడం గురించి అడిగితే.. తనకు ఓ కన్నడ సినిమాలో నటించాలని వుందని వెల్లడించాడు. ఈ నేపథ్యంలోనే చెర్రీ మాట్లాడుతూ.. ‘‘నాకు కన్నడ సినిమాలో నటించాలని వుంది. ఓ ప్రత్యేక పాత్రయినా చేస్తాను. ఈమధ్య నేను చూసిన కన్నడ సినిమాలలో ‘మిస్టర్ అండ్ మిసెస్ రామాచారి’ నాకు బాగా నచ్చింది. ఈ సినిమా తెలుగు రీమేక్ లో నటించమంటూ ఆఫర్ కూడా వచ్చింది కానీ.. రీమేక్స్ చేయకూడదన్న ఉద్దేశంతో ఆ మూవీని అంగీకరించలేదు’’ అని స్పష్టం చేశాడు.

ఇంకో విషయం ఏమిటంటే.. ఈ మెగా హీరో బెంగుళూర్ సమీపంలో ఓ ఫామ్ హౌస్ లో వుంటున్నాడు. ఒక రిమోట్ ఏరియాలో సకల సదుపాయాలతో నిర్మితమైన ఈ ఫామ్ హౌస్ ను చిరంజీవి పదిహేనేళ్ల క్రితమే కొనుగోలు చేశారు. ఈ క్రమంలో చెర్రీ అక్కడే సేద తీర్చుకుంటున్నాడు. మరో విశేషం ఏమిటంటే.. ఈ ఫామ్ హౌస్ ఎదురుగానే రజనీ ఫామ్ హౌస్ కూడా వుంది.