గోపిచంద్ జిల్ ఫస్ట్ లుక్ టీజర్ విడుదల

Posted: 03/06/2015 09:46 AM IST

‘మిర్చి’, ‘రన్ రాజా రన్’ వంటి బ్లాక్ బస్టర్ హిట్ చిత్రాలను అందించిన యువి క్రియేషన్స్ బ్యానర్లో నిర్మాతలు వంశీ, ప్రమోద్ లు నిర్మిస్తున్న తాజా చిత్రం ‘జిల్’. గోపిచంద్ హీరోగా రాధాకృష్ణ దర్శకత్వంలో తెరకెక్కుతున్న ఈ చిత్రానికి గిబ్రాన్ సంగీతం అందిస్తున్నాడు.

ఈ చిత్ర ఆడియో విడుదల కార్యక్రమం ఈనెల 12న ఘనంగా జరుగనుంది. ఇందులో గోపిచంద్ సరసన రాశిఖన్నా హీరోయిన్ గా నటిస్తుంది. ఇటీవలే విడుదలైన ఫస్ట్ లుక్ పోస్టర్ మరియు గోపిచంద్ బర్త్ డే టీజర్ కు మంచి స్పందన వచ్చింది. అయితే తాజాగా ఈ చిత్ర ఫస్ట్ లుక్ టీజర్ ను విడుదల చేసారు.

ఇందులో గోపిచంద్ చాలా స్టైలిష్ యాక్షన్ హీరోగా కనిపిస్తున్నాడు. కమర్షియల్ యాక్షన్ ఎంటర్ టైనర్ గా రూపొందుతున్న ఈ చిత్రం త్వరలోనే ప్రేక్షకుల ముందుకు రానుంది. ప్రస్తుతం ఈ చిత్ర షూటింగ్ శరవేగంగా జరుగుతోంది. తాజాగా విడుదలైన ట్రైలర్ మీకోసం ప్రత్యేకంగా అందిస్తున్నాం. చూసి ఆనందించండి.