హిందీ నటుడితో హాలీవుడ్ నటి రొమాన్స్...

Posted: 02/20/2015 07:15 PM IST

Irfan khan golshifteh farahani anup singh bollywood movie updates

ప్రతినాయకుడిగా సినీ కెరీర్ మొదలుపెట్టిన బాలీవుడ్ నటుడు ఇర్ఫాన్ ఖాన్.. నేడు హాలీవుడ్ స్థాయి తారగా ఎదిగిపోయాడు. భారీ బడ్జెట్ తో నిర్మిస్తున్న హాలీవుడ్ చిత్రాల్లో ఈ నటుడు కీలకపాత్రల్లో నటించే ఆఫర్స్ దక్కించుకుంటున్నాడు. ఇప్పటికే పలు చిత్రాల్లో నటించి తానేంటో నిరూపించుకున్నాడు. దీంతో ఇతనికి వరుసగా ఇంగ్లీష్ చిత్రాల్లో కీ రోల్ పాత్రల్లో పోషించే అవకాశాలు కంటిన్యూగా వస్తున్నాయి. ఈ నేపథ్యంలోనే ఇతగాడికి ఓ బంపరాఫర్ దక్కింది. త్వరలోనే ఇర్ఫాన్ ఇరానీ నటి గోల్‌‌షిఫ్తే ఫర్హానీతో కలిసి నటించబోతున్నాడని సమాచారం.

వివరాల్లోకి వెళ్తే... దర్శకుడు అనూప్ సింగ్ దర్శకత్వంలో ఇర్ఫాన్ ఖాన్ నటించిన తాజా చిత్రం ‘కిస్సా’ శుక్రవారం రిలీజయ్యింది. మొదటి షో నుంచే పాజిటివ్ టాక్ తో నడిచిన ఈ చిత్రం.. విమర్శకుల ప్రశంసలను అందుకుంది. ముఖ్యంగా ఇర్ఫాన్ ఖాన్ యాక్టింగ్ అద్భుతంగా వుందంటూ అందరూ కితాబిచ్చారు. దీంతో దర్శకుడు అనూప్ ఈ హీరోతో మరో మూవీ తెరకెక్కించాలని ఫిక్స్ అయ్యాడు. అందుకు ఇర్ఫాన్ కూడా ఓకే అన్నట్లు సమాచారం! ఇప్పటికే మూవీ స్ర్కిప్ట్ చివరి దశకు చేరుకుంది. ప్రీ ప్రొడక్షన్ పనులు కూడా శరవేగంగా జరుగుతున్నాయి.

ఇక ఈ చిత్రంలో కథానాయికగా ఇరానీ నటి ఫర్హానీని సంప్రదించారట! ‘బాడీ ఆఫ్ లైస్’, ‘ఎం ఫర్ మదర్’ లాంటి హాలీవుడ్ చిత్రాల్లో నటించి మంచి గుర్తింపు పొందిన ఆమె.. ఈ హిందీ చిత్రంలో బాగా సూటవుతుందనే ఉద్దేశంతో ఆమెనే తీసుకోవాలని దర్శకనిర్మాతలు ఫిక్స్ అయ్యారట! అయితే.. ప్రస్తుతం ప్యారిస్ లో వున్న ఈమె.. ఇంకా గ్రీన్ సిగ్నల్ ఇవ్వలేదట! ఆమె ఓకే అన్న వెంటనే షూటింగ్ మొదలుపెడతారని యూనిట్ బృందం చెబుతోంది.