పూజ కార్యక్రమాలతో బెంగాల్ టైగర్ షురూ

Posted: 01/30/2015 12:32 PM IST

రవితేజ హీరోగా తెరకెక్కనున్న తాజా చిత్రం ‘బెంగాల్ టైగర్’. సంపత్ నంది దర్శకత్వంలో రవితేజ హీరోగా తెరకెక్కనున్న ఈ చిత్ర ముహూర్త కార్యక్రమాలు నేడు జరిగాయి. తమన్నా, రాశిఖన్నాలు హీరోయిన్లుగా నటించనున్నారు. ఈ కార్యక్రమానికి ప్రముఖ దర్శకుడు కె.రాఘవేంద్రరావు ముఖ్య అతిథిగా విచ్చేసి, రవితేజ-తమన్నాలపై క్లాప్ కొట్టారు.

కమర్షియల్ యాక్షన్ ఎంటర్ టైనర్ గా రూపొందనున్న ఈ చిత్రం త్వరలోనే సెట్స్ పైకి వెళ్లనుంది. ఈ చిత్రానికి సంబంధించిన మరిన్ని వివరాలు అతి త్వరలోనే తెలియనున్నాయి. ప్రస్తుతం రవితేజ ‘కిక్2’ సినిమా షూటింగ్ లో బిజీగా వున్నాడు.

సురేంధర్ రెడ్డి దర్శకత్వంలో తెరకెక్కుతున్న ఈ చిత్ర షూటింగ్ శరవేగంగా జరుగుతోంది. ఇటీవలే విడుదలైన ఫస్ట్ లుక్ ట్రైలర్ కు భారీ రెస్పాన్స్ వస్తోంది. ఇది గతంలో వచ్చిన ‘కిక్’ సినిమాకు సీక్వెల్ కావడంతో... ఈ సినిమాపై భారీ అంచనాలు నెలకొన్నాయి. త్వరలోనే ఈ చిత్రాన్ని ప్రేక్షకుల ముందుకు తీసుకురానున్నారు.