‘అమ్మ’.. అస్సలు కుదరదంటున్న ఆంటీ!

Posted: 01/28/2015 06:36 PM IST

Telugu actress rashi second innings tollywood movie offers special character roles demand

ఒకప్పుడు చిత్రపరిశ్రమలో హీరోయిన్లుగా ఓ వెలుగు వెలిగిన కొందరు తారలు.. ఇప్పుడు సెకండ్ ఇన్నింగ్స్’లోనూ ప్రత్యేక పాత్రల్లో నటిస్తూ ప్రేక్షకులను అలరిస్తున్న విషయం తెలిసిందే! ఈ జాబితాలో చాలామంది లేరుకానీ.. కొందరు మాత్రం సక్సెస్’ఫుల్’గా దూసుకుపోతున్నారు. హీరోహీరోయిన్లకు అమ్మగానో, ఆంటీగానో, విలన్ల క్యారెక్టర్లలోనో, ఇంకా ఇతరత్ర పాత్రల్లో నటిస్తున్నారు. ఇప్పుడు ఇదే కోవలోకి చేరడానికి మరో తార రాశి సిద్ధమవుతోందని తాజా సమాచారం!

ఫ్యామిలీ, డ్రామా కథా చిత్రాలలో తనకంటూ ప్రత్యేక గుర్తింపు సాధించిన నిన్నటితరం కథానాయిక రాశి.. మళ్లీ సినిమాల్లో నటించేందుకు ఆసక్తి చూపుతోంది. ఇతర తారలలాగే సినిమాల్లో ప్రత్యేక పాత్రల్లో నటించే అవకాశాలు వస్తే తప్పకుండా చేస్తానని ఈమె చెబుతోందట! సాధారణ పాత్రలు కాకుండా మాంచి పవర్’ఫుల్ క్యారెక్టర్లు కావాలని ఈమె దర్శకనిర్మాతలకు సమాచారం చేరవేస్తోంది. విలన్ క్యారెక్టర్లోనైనా నటించేందుకు గ్రీన్ సిగ్నల్ ఇస్తోందట!

ఇంతవరకు బాగానే వుంది కానీ.. ఒక్క విషయంలో మాత్రం రాశి వెనకడుగు వేస్తోందట! హీరోలకు, హీరోయిన్లకు అమ్మగా మాత్రం నటించనని కండిషన్లు పెడుతోందని చెబుతున్నారు. అవసరమైతే వారికి అక్కగానూ, ఆంటీగానూ నటించే పాత్రలైతే రెడీ అంటోంది. మరి.. ఈమె కోరుకుంటున్నట్లుగా ఎవరైనా ఆఫర్లు ఇస్తారా..? అలాకాకుండా కేవలం అమ్మ పాత్రలే ఎక్కువగా వస్తే రాశి అందుకు ఏ నిర్ణయం తీసుకుంటుంది..? ఇవన్నీ తెలియాలంటే ఆమె ఆఫర్లు వచ్చేవరకు ఆగాల్సిందే!