అడుగు తగ్గిన ‘సప్త’ బుల్లెట్టు..

Posted: 01/27/2015 11:44 AM IST

Comedian saptagiri shreyas media organization aaradugula bullet movie

ఇండస్ట్రీలోకి ఎంట్రీ ఇచ్చిన కొద్దికాలంలోనే కమెడియన్’గా ప్రత్యేక గుర్తింపు సాధించిన సప్తగిరికి ప్రస్తుతం దశ తిరిగినట్లు కనిపిస్తోంది. ‘ప్రేమకథా చిత్రం’, ‘వెంకటాద్రి ఎక్స్ ప్రెస్’ వంటి సినిమాల్లో తన కామెడీతో ప్రేక్షకులను కడుపుబ్బా నవ్వించిన ఈ బుల్లెట్టు.. సప్త నుంచి ఒక అడుగు మేర తగ్గి దూసుకుపోవడానికి సిద్ధంగా వున్నాడు. ఇటువంటి మార్పులు కేవలం కొంతమంది కెరీర్’లోనే సాధ్యపడుతాయి. అందులో ఇప్పుడు ఈ సప్తగిరి కూడా చేరిపోయాడు.

ఇటీవలి కాలంలో కొన్ని సినిమాల్లో నటించి కమెడియన్’గా పేరు తెచ్చుకుంటున్న కొందరు హీరోలుగా అవతారం ఎత్తుతున్నారు. ప్రస్తుతం కమెడియన్లుగా చెలామణి అవుతున్న కొత్తవాళ్లందరూ ఆ జాబితాలో వున్నవారే! ఇప్పుడు తాజాగా వీరిలో సప్తగిరి కూడా చేరిపోయాడు. చిన్నసినిమాల్లో వరుసగా నటిస్తూ తన కామెడీ ట్రాక్’తో ప్రేక్షకులను బాగానే ఆకట్టుకున్న ఈ కమెడియన్ ఇప్పుడు హీరోగా మారుతున్నట్లు సమాచారం!

ప్రముఖ ఈవెంట్ మేనేజ్’మెంట్ సంస్థ శ్రేయాస్ మీడియా ఇతనిని హీరోగా తీసుకుని ఓ చిత్రాన్ని నిర్మించేందుకు సన్నాహాలు చేస్తున్నారు. ఇప్పటికే ప్రీ-ప్రొడక్షన్ కార్యక్రమాలు శరవేగంగా జరుగుతున్నాయి. ఈ మూవీకి ‘ఆరడుగుల బుల్లెట్టు’ అనే టైటిల్’ను పెడుతున్నట్లు వార్తలొస్తున్నాయి. అయితే.. ఇది ఇంకా అధికారికంగా వెల్లడి కావాల్సి వుంది.