ఫేటు మారకున్నా రేటు బాగానే పలికింది

Posted: 01/10/2015 05:01 PM IST

Gemini tv owns temper movie rights for big price

ఎన్టీఆర్ సినిమాలు వరుసగా ఫ్లాపులవుతున్నా ఆయనకున్న క్రేజ్ ఏ మాత్రం తగ్గటం లేదు. ఎప్పటికైనా హిట్ తగలకపోతుందా అని ఫ్యాన్స్ అంతా ఆశలు పెట్టుకున్నారు. తాజాగా ఆయన నటిస్తున్న ‘టెంపర్’ సినిమాపై ఫ్యాన్స్ చాలా ఆశలు పెట్టుకున్నారు. జనవరి 1న వచ్చిన టీజర్ ఈ అంచనాలను మరింత పెంచేస్తోంది. సినిమా భారీ రేంజ్ లో ఉంటుందని అంతా చెప్తున్నారు. యంగ్ టైగర్ కు ఇది సరైన హిట్ ఇచ్చే సినిమాగా చెప్తున్నారు.

లేటెస్ట్ అప్ డేట్ ప్రకారం.., ఈ సినిమా శాటిలైట్ హక్కులను ‘జెమినీ టీవీ’ దక్కించుకుందట. ఫిలింనగర్ సమాచారం ప్రకారం ‘టెంపర్’ కోసం రూ.7.75కోట్లు చెల్లించి హక్కులు సొంతం చేసుకుందని టాక్ విన్పిస్తోంది. కేవలం టీజర్ చూసి ఈ స్థాయిలో రేటు పెట్టారంటే సినిమా బాగానే ఉంటుందని టాక్ విన్పిస్తోంది. ప్రస్తుతం టాకీ పార్ట్ చివరి దశ షూటింగ్ జరుపుకుంటున్న ఈ సినిమా ఫిబ్రవరి 5న ప్రపంచ వ్యాప్తంగా విడుదల కానుంది. ఆడియో రిలీజ్ విషయానికి వస్తే సంక్రాంతి తర్వాత జనవరి 18కి మూవీ ఆడియో విడుదల కానుంది.

పరమేశ్వర ఆర్ట్ క్రియేషన్స్ బ్యానర్ పై బండ్ల గణేష్ నిర్మిస్తున్న ఈ సినిమాను పూరీ జగన్నాధ్ డైరెక్ట్ చేస్తున్నాడు. ‘ఆంధ్రావాలా’ ఫ్లాపు తర్వాత పూరీ-ఎన్టీఆర్ కాంబినేషన్ పదేళ్లు గ్యాపు తీసుకుని మళ్లీ సినిమా తీస్తున్నారు. కాజల్ అగర్వాల్ హీరోయిన్ గా నటిస్తున్న ఈ సినిమాలో తారక్ పోలిస్ ఆఫీసర్ గా కన్పించనున్నాడు. ఈ మూవీ తర్వాత నందమూరి హీరో సుకుమార్ తో సినిమా చేసేందుకు రెడిగా ఉన్నాడు. సంక్రాంతి తర్వాత ప్రి ప్రొడక్షన్ పనులు వేగవంతం చేసి వచ్చే నెలలోనే ఈ ప్రాజెక్టు షూటింగ్ ప్రారంభిస్తారు.