అనీషాకు అవకాశం ఇవ్వటానికి కారణమిదేనట !

Posted: 11/22/2014 01:21 PM IST

పవన్ కళ్యాణ్ అప్ కమింగ్ మూవీ ‘గబ్బర్ సింగ్2’లో హీరోయిన్ చాన్స్ కొట్టేసి ఒక్కసారిగా అందరికి షాక్ ఇచ్చింది అనీషా అంబ్రోస్. అప్పటివరకు టాలీవుడ్ ప్రముఖులకు కూడా సరిగ్గా తెలియని ఈ అమ్మాయి పవన్ సినిమా హీరోయిన్ పాపులర్ అయింది. ప్రస్తుతం అమ్మడి ఫేస్ బుక్ పేజికి లైక్ కొడుతున్న వారి సంఖ్యను చూస్తేనే ఇది అర్థం అవుతుంది. ఎంతోమంది హీరోయిన్లు ఆశగా ఎదురుచూస్తున్న చాన్స్ ను చప్పుడుకాకుండా వచ్చి కొట్టేసింది. దీంతో అసలు ఛాన్స్ ఎలా వచ్చిందా అని అంతా ఆసక్తిగా చర్చించుకుంటున్నారు.

అయితే విశ్వసనీయ వర్గాల తాజా సమాచారం ప్రకారం కేవలం అభిమానుల కోసమే అనిషాను ఎంపిక చేశారని తెలుస్తోంది. అభిమానులు కోరుకున్నారని కాదు.., వెయిట్ చేయించవద్దు అని. ఇప్పటివరకు పవన్ చివరి మూవీ ‘అత్తారింటికి దారేది’ వచ్చి ఏడాది దాటింది. అభిమానులంతా పవన్ సినిమా కోసం ఆశగా ఆకలితో ఎదురుచూస్తున్నారు. అలాంటివారిని ఇంక వెయిట్ చేయించవద్దు అనే ఉద్దేశ్యంతో పవన్ సినిమా మొదలు పెట్టేస్తున్నాడు. డిసెంబర్ లో సినిమా షూటింగ్ ప్రారంభం కానుంది. కేవలం రెండు షెడ్యూల్లుగా ప్లాన్ చేస్తున్నారు. ఈ బిజీ షెడ్యూల్ లో స్టార్ హీరోయిన్ ను తీసుకుంటే.., అమ్మడు డేట్లు అడ్జస్ట్ చేయలేక ఇబ్బంది పడవచ్చు.

ఇలా హీరోయిన్ కోసం ఫ్యాన్స్ ను వెయిట్ చేయించటం పవన్ కు ఇష్టం లేదు. కాబట్టి, సన్నిహితుల సలహా మేరకు కొత్త హీరోయిన్ తీసుకుంటే ఏ ఇబ్బంది ఉండదు అనే ఉద్దేశ్యంతో అనిషాను తీసుకున్నారట. అలా సీనియర్లపై నమ్మకం లేక.., తంతే బూరెల గంపలో పడినట్లుగా ఈ అమ్మడు ఒక్కసారి చాన్స్ కొట్టేసింది. మరి ఈ నమ్మకాన్ని ఏ మాత్రం కొనసాగిస్తుందో తెలియాల్సి ఉంది. బాబీ డైరెక్ట్ చేస్తున్ ఈ సినిమాకు దేవిశ్రీ ప్రసాద్ సంగీతం అందిస్తున్నాడు. శరత్ మరార్ నిర్మాతగా వ్యవహరిస్తున్నాడు.

కార్తిక్