ఆర్నాల్డ్ ఆహ్వానం.. చియాన్ పయనం

Posted: 10/21/2014 10:50 AM IST

నమస్కారానికి ప్రతి నమస్కారం సంస్కారం అని మనకు తెలుసు. అంటే అవతలి వారు మనకు నమస్కారం పెట్టినపుడు మనం కూడా వారికి ప్రతిగా గౌరవం తెలపాల్సి ఉంటుంది. ఇది సంస్కారాన్ని తెలియజేస్తుంది. ఇప్పుడు హీరో విక్రమ్ ఇదే చేస్తున్నాడు. ఆ మద్య హాలివుడ్ హీరో ఆర్నాల్డ్ భారత్ కు వచ్చాడు. ‘ఐ’ సినిమా ఆడియో రిలీజ్ కోసం వచ్చిన ఆర్నాల్డ్ కార్యక్రమంకే అదనపు హంగుగా నిలిచారు. అందరూ సినిమా, ఆర్నాల్డ్ గురించే చర్చించుకున్నారు.

అలా వచ్చిన ఆర్నాల్డ్ బిజీ షెడ్యూల్ కారణంగా విక్రమ్ తో ఎక్కువసేపు ఉండలేదట. దీంతో సరదాగా గడిపేందుకు కాలిఫోర్నియా రావాలని చియాన్ ను హాలీవుడ్ స్టార్ ఆహ్వానించాడు. ఇందుకు సానుకూలంగా స్పందించిన విక్రమ్ వస్తాను అని మాట ఇచ్చాడు. ఆ మాట ప్రకారం త్వరలో కాలిఫోర్నియా పర్యటనకు వెళ్తాడని ‘ఐ’యూనిట్ వర్గాలు చెప్తున్నాయి. కేవలం పిలుపును మన్నించి వెళ్తుండటం అంటే.. వ్యక్తికి వారి విజ్ఞప్తలకు విక్రమ్ ఇచ్చే గౌరవం ఏంటో తెలుస్తుంది అని కోలీవుడ్ ప్రముఖులు కితాబిస్తున్నారు.

భారీ బడ్జెట్ తో నిర్మించిన ‘ఐ’ సినిమా ప్రస్తుతం పోస్ట్ ప్రొడక్షన్ పనుల్లో బిజీగా ఉంది. తమిళం, తెలుగు, హింది సహా పలు ప్రాంతీయ భాషలు, వివిధ ప్రపంచ భాషల్లో ఈ సినిమాను విడుదల చేయటానికి సన్నాహాలు చేస్తున్నారు. గ్రాఫిక్స్, ఎడిటింగ్ వంటి పనుల వల్ల సినిమా విడుదల ఆలస్యం అవుతుంది. ఈ మూవీలో విక్రమ్ మూడు రోల్స్ లో నటించాడు. ఇవి ఒకదానితో మరొకటి పూర్తిగా డిఫరెంట్ గెటప్స్. అమీజాక్సన్ హీరోయిన్ గా నటించిన ఈ సినిమాకు ఏ.ఆర్. రహ్మాన్ సంగీతం అందించాడు.

కార్తిక్