సందీప్ ‘జోరు’ డెలివరీ డేట్

Posted: 10/16/2014 03:26 PM IST

చిన్న సినిమాలతో మెల్లగా ప్రేక్షకులను దోచుకుంటున్న సందీప్ కిషన్ మంచి జోరుమీదున్నాడు. అందుకేనేమో ఆయన తాజా సినిమాకు ఈ టైటిల్ పెట్టారు. ఇకపోతే ‘జోరు’ సినిమా విడుదల తేది ఖరారైంది. నవంబర్ 7న ఈ సినిమాను విడుదల చేస్తున్నట్లు తెలుస్తోంది. పోస్ట్ ప్రొడక్షన్ పనులు పూర్తి చేసుకున్న ఈ సినిమా త్వరలోనే సెన్సార్ పరీక్షకు వెళ్లనుంది. అది పూర్తి చేసుకుని నవంబర్ 7న ప్రేక్షకులకు సినిమాను డెలివరీ చేస్తామని యూనిట్ చెప్తోంది.

‘గుండెల్లో గోదారి’ ఫేం నాగేంద్ర దర్శకత్వంలో వస్తున్న ఈ సినిమాలో ముగ్గురు హీరోయిన్లు నటించారు. రాశిఖన్నా, ప్రియ బెనర్జీ, సుష్మలతో కలిపి షూట్ చేసిన పాట కూడా చాలా బాగా వచ్చిందని తెలుస్తోంది. ఇక ఈ మద్య విడుదలైన సినిమా పాటలకు కూడా మంచి టాక్ వచ్చింది. అశోక్, నాగార్జున కలిసి నిర్మిస్తున్న ఈ ప్రాజెక్టును శ్రీ కీర్తి ఫిలింమ్స్ బ్యానర్ అందిస్తోంది. గతంలో సందీప్ ‘రొటీన్ లవ్ స్టోరీ’, ‘వెంకటాద్రి ఎక్స్ ప్రెస్’ సినిమాలు హిట్ అయిన విషయం తెలిసిందే.

కార్తిక్