గోపాల షూటింగ్ కంచికి... త్వరలోనే అంతా ఇంటికి !!

Posted: 10/13/2014 11:56 AM IST

పవర్ స్టార్ పవన్ కళ్యాణ్ మల్టీ స్టారర్ సినిమా ‘గోపాల గోపాల’ షూటింగ్ శరవేగంగా జరుగుతుంది. సినిమాలో కావాల్సిన గ్రాఫిక్ ఎఫెక్ట్ లు ఇతర అడిషనల్ ఎఫెక్ట్ కోసం వీలైనంత త్వరగా షూటింగ్ పూర్తి చేయాలని ప్లాన్ చేస్తున్నారు. ప్రస్తుతం ఈ సినిమా షూటింగ్ చివరి దశకు చేరినట్లు తెలుస్తోంది. హైదారబాద్ శివార్లోని శంషాబాద్ లో ఓ ఆలయంలో పవన్ నేపథ్యంగా కొన్ని సన్నివేశాలను షూట్ చేశారు. ప్రస్తుతం సినిమాలో క్లైమాక్స్ సన్నివేశాల షూటింగ్ జరుగుతుందని తెలుస్తోంది. ఈ సన్నివేశాల్లో పవన్ తో పాటు వెంకటేష్, శ్రియ, మిథున్ తదితరులు నటిస్తున్నారు. అయితే షూటింగ్

ఈ సన్నివేశాలు పూర్తియితే సినిమా షూటింగ్ పూర్తియనట్లే అని టాలీవుడ్ వర్గాలు అంటున్నాయి. ఆ తర్వాత.., పోస్ట్ ప్రొడక్షన్ పనులకు వెళ్లనుంది. ఇది దాదాపు ఒక నెల నుంచి నెలన్నర సమయం తీసుకుంటుందని తెలుస్తోంది. ఆ తర్వాత పది రోజులు ఆగితే సంక్రాంతి వస్తుండటంతో సినిమాను జనవరిలో విడుదల చేసేందుకు సన్నాహాలు చేస్తున్నారు. అటు సినిమాలో పవన్ కృష్ణుడి వేషంలో కన్పిస్తుండటంతో.. సరికొత్తగా చూపించేందుకు కొత్త హంగులు అద్దుతారని అంతా అంటున్నారు. ఇందులో పవన్ కోసం ప్రత్యేకంగ బైక్ ను డిజైన్ చేసిన విషయం తెలిసిందే.

పవన్ - వెంకటేష్ మల్టీ స్టారర్ సినిమాగా వస్తున్న ‘గోపాల గోపాల’ లో వెంకటేష్ భార్యగా శ్రియ నటిస్తోందన్న విషయం తెలిసిందే. ఈ సినిమాలో అమ్మడు పవన్ కు (కృష్ణుడికి) పరమ భక్తురాలు. ఆమె విజ్ఞప్తి ప్రకారం వెంకటేష్ కు సాయం చేసేందుకు పవన్ దిగి వచ్చి ఏం చేస్తాడు అనేది కధ అని గతంలో సినిమా వర్గాలు తెలిపాయి. పవన్ చేస్తున్న మల్టీ స్టారర్ సినిమా కావటంతో దీనిపై ఫ్యాన్స్ భారీ అంచనాలతో ఎదురుచూస్తున్నారు. ఈ సినిమా పాటలను నవంబర్ చివరి వారంలో విడుదల చేసే అవకాశం ఉంది. హిందీలో హిట్ అయిన ‘ఓ మై గాఢ్’ ఆధారంగా డాలి ఈ సినిమాను తెరకెక్కిస్తున్నారు.

కార్తిక్