(Image source from: manchu lakshmi comments manchu manoj producer bellamkonda suresh)
అవును.. మనోజ్ తో తనకు ఎటువంటి సంబంధం లేదని లక్ష్మీ మంచు తాజాగా ఒక స్టేట్ మెంట్ ఇచ్చింది. ఇన్నాళ్లవరకు తమ మధ్య వున్న అక్కాతమ్ముళ్ల బంధాన్ని నేడు లక్ష్మీ మంచు తెగదెంపులు చేసేసింది. అది కూడా కేవలం డబ్బులకోసమే లక్ష్మీ ఈ నిర్ణయానికి వచ్చిందని తెలుస్తోంది. దీంతో ప్రస్తుతం ఇది హాట్ టాపిక్ గా మారిపోయింది. లక్ష్మీ ఎందుకు ఇలా మాట్లాడింది..? అంటూ ప్రతిఒక్కరు ప్రశ్నలను లెవనెత్తారు. అయితే ఫైనల్ గా తాను అలా ఎందుకు చెప్పిందో క్లారిఫికేషన్ ఇచ్చేసింది.
రభస సినిమా రిలీజ్ కు ముందు లక్ష్మీ మంచు, నిర్మాత బెల్లంకొండ సురేష్ మధ్య గొడవ జరిగిన విషయం తెలిసిందే! ‘‘రభస’’ మూవీ షూటింగ్ నేపథ్యంలో ‘‘గంధర్వ మహల్’’లో షూటింగ్ జరుపుకుంటామని.. అందుకు తాను రూ.58 లక్షల దాకా డబ్బులు ఇస్తానని సురేష్, లక్ష్మీతో ఒప్పందం కుదుర్చుకున్నాడు. ఒప్పందం ప్రకారం... ‘‘రభస’’మూవీ షూటింగ్ ను ఆ మహల్ లో పూర్తి చేసుకున్నారు. కొన్నిరోజులు కూడా గడిచిపోయాయి కానీ సురేష్ మాత్రం లక్ష్మీకి డబ్బులు ముట్టజెప్పలేదు. దీంతో వారిమధ్య చాలా రాద్ధాంతమే జరిగిందిలెండి! చివరికి ఒకరిమీద ఒకరు పోలీస్ స్టేషన్ లో ఫిర్యాదు కూడా చేసుకున్నారు. అయితే ఫైనల్ నిర్మాతే స్వయంగా మంచువారి ఫ్యామిలీతో కలిసి తమ మధ్య జరుగుతున్న ఈ గొడవను సద్దుమణిగేలా చేశాడు. అయితే దీనికి సంబంధించి మంచు లక్ష్మీగానీ, బెల్లంకొండగానీ అఫీషియల్ గా స్టేట్ మెంట్ మాత్రం ఇంతవరకు ఇవ్వలేదు.
ఇదిలావుండగా.. తాజాగా ఈ గొడవ మీద మంచులక్ష్మీ ఒక క్లారిటీ ఇచ్చింది. ఈ గొడవలో న్యాయం తనవైపే వుందని చెప్పుకొచ్చింది. ‘‘నా తమ్ముడు మంచుమనోజ్ అతనికి డబ్బులివ్వాలని చెప్పి.. నాకు డబ్బులివ్వకుండా ఆపాడు. ఇందుకు నేనెలా ఒప్పుకుంటాను. ఈ డబ్బుల విషయంలో నాకు, మనోజ్ కు ఎలాంటి సంబంధం లేదు. ఆ విషయం మీద వారిద్దరు పరస్పరం మాట్లాడుకుని ఒక నిర్ణయానికి రావాలిగానీ.. నా డబ్బుల్ని ఆపేస్తే ఎలా..? అందుకే నాకివ్వాల్సిన పేమెంట్ ఇవ్వాల్సిందేనంటూ పట్టుబడ్డా’’ అని చెప్పుకొచ్చింది. గతంలో మనోజ్ తో కలిసి సినిమా తీసేందుకు నిర్మాత బెల్లంకొండ సురేష్ ముందుకొచ్చాడు. అందుకు అడ్వాన్స్ కు తనకు 30 లక్షలు కూడా ఇచ్చాడట! అయితే కొన్ని అనివార్య కారణాల వల్ల ఆ సినిమా ఆగిపోయింది. కానీ మనోజ్ మాత్రం ఆ 30 లక్షలు తనకు తిరిగి ఇవ్వలేదని సురేష్ వాపోతున్నాడు. ఈ విషయాన్నే లక్ష్మీ తాజాగా గుర్తు చేస్తూ.. మనోజ్ తనకు డబ్బులివ్వకపోతే నాకేంటి సంబంధం అని చెప్పడం ఆశ్చర్యకరంగా మారింది.
AS
(And get your daily news straight to your inbox)
Oct 08 | పాన్ ఇండియా స్టార్ ప్రభాస్ బాహుబలి సిరీస్ చిత్రాల తరువాత అలాంటి హిట్ ఇప్పటివరకు అందుకోకపోవడం ఆయన అభిమానుల్లో కలవరాన్ని రాజేస్తోంది. సాహో కలెక్షన్ల పరంగా ఫర్వాలేదని అనిపించినా.. ఆ తరువాత వచ్చిన రాధేశ్యామ్... Read more
Oct 08 | టాలీవుడ్ స్టార్ కమెడియన్ వెన్నెల కిశోర్ తెలుగు సినీపరిశ్రమలో తన జోరు చూపుతున్నాడు. తెలుగు చిత్రపరిశ్రమకు పరిచయమైన సీనియర్ కమేడియన్ అయినా.. ఇప్పటికీ యంగ్ లుక్ తో మంచి టైమింగ్, హావభావాల ప్రకటనలతో రాణిస్తున్నాడు.... Read more
Oct 08 | మెగాస్టార్ చిరంజీవి ప్రధానపాత్రలో తెరకెక్కిన 'గాడ్ ఫాదర్' చిత్రం ఈ నెల 5న విడుదలై విజయవంతంగా ప్రదర్శితమవుతోంది. ఈ సినిమాలో బాలీవుడ్ సూపర్ స్టార్ సల్మాన్ ఖాన్ 'మసూద్ భాయ్' అనే పవర్ ఫుల్... Read more
Oct 08 | ప్రముఖ దర్శకుడు మణిరత్నం మానసపుత్రిక అయిన పోన్నియన్ సెల్వన్ ప్రాజెక్టును ఎట్టకేలకు ఆయన తెరకెక్కించిన విషయం తెలిసిందే. అయితే రెండు భాగాలుగా ఈ చిత్రం రూపొందుతున్న విషయం తెలిసిందే. అయితే ఈ చిత్రం తొలిభాగం... Read more
Oct 08 | తమిళంలో హిట్ అయిన చిత్రాలు రీమేక్ గా తెలుగులో తెరకెక్కి హిట్ సాధించడం సాధరణంగా మారిపోయింది. ఈ క్రమంలో మొదటి నుంచి విభిన్నమైన కథలను .. విలక్షణమైన పాత్రలను ఎంచుకుంటూ.. నటిస్తున్న యంగ్ హీరో... Read more