అమలా పాల్ మెడలో మూడు ముళ్లు పడ్డాయి

Posted: 06/12/2014 03:14 PM IST

సౌత్ ఇండియా సినీ ప్రేక్షకులకు సుపరిచితం అయిన కేరళ కుట్టి అమలాపాల్ కుమారి నుండి శ్రీమతిగా మారింది. తమిళ దర్శకుడు ఏ.ఎల్ విజయ్ ని ప్రేమించి ఆ ప్రేమను పదిలంగా పెళ్లి పీఠల వరకు తెచ్చుకొని అతనితో మూడు ముళ్లు వేయించుకుంది. ఈ వివాహం చెన్నైలోని వాలియమ్మల్ హాల్ ఎంఆర్సి సెంటర్ లో సినీ, రాజకీయ అతిరథుల సమక్షంలో జరిగింది. అమలా, విజయ్ వేరు వేరు మతాలకు చెందిన వారు.అమలా కేరళ క్రిస్ట్రియన్ అయితే,  విజయ్ హిందూ మతానికి చెందిన వాడు.

కానీ భర్త కుటుంబ సాంప్రదాయాలకు విలువనిచ్చి హిందూ మతం ప్రకారం పెళ్లి చేసుకుంది. పెళ్ళి కూతురుగా ముస్తాబైన అమలా కాంజీవరం చీరతో అచ్చం తెలుగమ్మాయిలా మెరుస్తూ సిగ్గుల్ని ఒలకబోస్తుండగా విజయ్ ఆమె మెడలో మూడు ముళ్లు వేశాడు. ఇటీవల సినీ తారల ప్రేమలు  విచ్చిన్నం అవుతున్న వేళ తమ ప్రేమను సజీవంగా పెళ్లి పీఠల వరకు తెచ్చుకున్న వీరి కాపురం కలకాలం పచ్చగా ఉండాలని కోరుకుందాం.