వెంకీ తనయుడు ఎంట్రీ ఇస్తున్నాడు

Posted: 06/10/2014 05:10 PM IST

సినిమా ఇండస్ట్రీలోకి తన తండ్రుల వారసత్వాన్ని అందిపుచ్చుకొన్న మన టాలీవుడ్ స్టార్ హీరోలు ఇప్పుడు వారి కొడుకుల్ని కూడా వెండితెరకు పరిచయం చేస్తున్నారు. ఇప్పటికే టాలీవుడ్ సూపర్ స్టార్ ప్రిన్స్ మహేష్ బాబు తాను నటించిన ‘1 నేనొక్కడినే ’ సినిమాలో ‘గౌతమ్ ’ని లాంచ్ చేశాడు. ఇప్పుడు మరో స్టార్ హీరో తన కొడుకును వెండితెరకు పరిచయం చేయబోతున్నాడు.

విక్టర్ వెంకటేష్, పవన్ కళ్యాణ్ ల మల్టీస్టారర్ మూవీ ‘గోపాల గోపాల ’ సినిమా ద్వారా వెంకటేష్ తనయుడు అర్జున్ ఎంట్రీ ఇవ్వబోతున్నాడని తెలుస్తుంది. తాజాగా నిన్న జరిగిన ‘గోపాల గోపాల’ పూజా కార్యక్రమంలో వెంకటేష్ కొడుకు దగ్గుపాటి అర్జున్ కనిపించి అందరి దృష్టిలో పడ్డాడు. ఈ చిత్రంలో  వెంకటేష్ పాత్రకు ఓ అబ్బాయి ఉంటాడు. ఆ పాత్రను అర్జున్ పోషిస్తాడట. వెంకటేష్ కుమారుడుగా కనిపించనున్నాడే వార్త వెంకీ అభిమానుల్ని ఆనందంలో ముంచెత్తుతుంది.

అర్జున్ ఎంట్రీ ఈ మల్టీస్టారర్ ద్వారానే అయితే బాగుందని తాత రామానాయుడు భావించి ఆయన్ను ఒప్పించారని అంటున్నారు. అయితే ఈ విషయాన్ని చివరి వరకు గోప్యంగా ఉంచాలని అనుకున్నారు. కానీ నిన్నటి పరిస్థితిని బట్టి ఇట్టే తెలిసిపోతుందని సినీ జనాలు అంటున్నారు.

Knr