ఒక్క సీన్ కోసం 2 కోట్లు... అదీ ‘పవర్ ’

Posted: 04/28/2014 02:46 PM IST

టాలీవుడ్ మాస్ రాజా రవితేజ ‘బలుపు ’ సినిమా హిట్ తర్వాత కేఎస్ రవీంద్రనాథ్ దర్శకత్వంలో ‘పవర్ ’ ఫుల్ సినిమాలో నటిస్తున్న విషయం తెలిసిందే. శరవేగంగా షూటింగ్ జరుపుకుంటున్న ఈ సినిమాకు సంబంధించిన క్లైమాక్స్ ఫైట్ సన్నివేశం కోసం ఏకంగా రెండు కోట్ల రూపాయలు ఖర్చు చేయబోతున్నారట. త్వరలో బ్యాంకాక్ లో చిత్రీకరణ జరుపుకోబోయే ఈ సన్నివేశం కోసం బాలీవుడ్ స్టంట్ మాస్టర్ అలన్ అమీన్ దీనికి కొరియోగ్రఫీ చేయబోతున్నాడని దర్శకుడు తెలిపాడు.

ధూమ్, రంగ్ దే బసంతి లాంటి చిత్రాలకు కొరియోగ్రఫీ చేసిన అలన్ అమీన్ తో ప్రత్యేకంగా ఈ ఫైట్స్ సన్నివేశాలను చిత్రీకరించబోతున్నారట. మే 3 నుంచి 10వ తేదీ వరకు షూటింగ్ జరుపుకోనున్న ఈ షెడ్యూల్లో  రవితేజ, అజయ్, సంపత్ రాజ్, సుబ్బరాజు తదితరులు పాల్గొంటారు. హన్సిక, రెజినా కాసండ్రా హీరోయిన్లుగా నటిస్తున్న ఈ చిత్రాన్ని రాక్లైన్ వెంకటేష్ నిర్మిస్తున్నారు. రవితేజ మార్కెట్ ని మించి ఖర్చు పెడుతున్న ఈ సినిమా హిట్టయితే ఓకే కానీ, అందులో ‘పవర్ ’ లేకపోతే మాత్రం పెట్టిన డబ్బులు రావడం కష్టమే.