సీన్ క్రియేట్ చేస్తున్న మంచు లక్ష్మి

Posted: 04/22/2014 10:52 AM IST

మంచు ఫ్యామిలీకి చెందిన వారు ఈ మధ్య ఎక్కువ కాంట్రవర్సీ సినిమాలు తీయడమే కాకుండా, నటిస్తున్నారు. మొన్నటి వరకు మంచు విష్ణు, మోహన్ బాబు, మనోజ్ ల సినిమా ల పై ఏదో ఒక కాంట్రవర్సీ వచ్చింది. ఇప్పుడు మంచు లక్ష్మి కూడా చేరబోతుంది. సిగరెట్ తాగడం యూత్ కి ప్యాషన్. అబ్బాయిలే కాకుండా, అమ్మాయిలు కూడా సిగరెట్ తాగుతూ కనిపిస్తున్నారు.

ఈ అలవాటు సినీ ఇండస్ట్రీలో తారలకు కూడా ఉందనటంలో ఎటువంటి సందేహం లేదు. చాలా మంది హీరోయిన్లు ధుమపానం చేస్తారు. కొన్ని సినిమాల్లో హీరోయిన్లచే సిగరెట్ తాగించిన సన్నివేశాలు ఉన్నాయి. ఇప్పుడు అలాంటి సన్నివేశంలోనే మోహన్ బాబు కూతురు మంచు లక్ష్మి నటించి అందరికి షాక్ ఇచ్చింది. ఈమె తాజాగా నటించిన ‘చందమామ కథలు ’ సినిమాలో సిగరెట్ కాల్చింది. దీనికి సంబంధించిన పోస్టర్ ని ఇటీవలే విడుదల చేశారు కూడా. ఎంతో స్టైల్ గా సిగరెట్ కాలుస్తూ కనిపిస్తున్న ఈ పోస్టర్ ఇప్పుడు హాట్ టాపిక్ అయ్యింది.

ఇదే విషయం పై మంచు లక్ష్మిని ప్రశ్నించగా ఇలా కనిపిండం వల్ల యువత చెడిపోతుందని తెలుసు. కానీ సినిమాలో పాత్ర కోసమే మాత్రం అలా చేశాను. దీనికి నేను కూడా పూర్తి వ్యతికం, దీని పై ఆందోళన కూడా చెందుతున్నానని చెప్పుకొచ్చింది. అయితే సినిమా జనాలు మాత్రం ఓ సెలబ్రెటీ అయి ఉండి సిగరెట్ కాల్చడమే కాకుండా, ఇలా పోస్టర్లతో పబ్లిసిటీ చేయడం అవసరమా ? తెలుగు సినిమాల పేరుతో కొందరు కల్చర్‌ను భ్రష్టుపట్టిస్తున్నారని విమర్శిస్తున్నారు.

దీని పై మంచు లక్ష్మి ఎలా స్పందిస్తుందో చూడాలి. ఈ సినిమాలో మంచు లక్ష్మి , సీనియర్ నరేష్ , కృష్ణుడు , ఆమని , చైతన్య కృష్ణ , రిచా పనాయ్ , కిషోర్ , పృథ్వి, షాలిని , కొండవలస , దువ్వాసి మోహన్ తదితరులు ముఖ్య పాత్రల్లో నటించారు. త్వరలోనే ఈ సినిమా ప్రేక్షకుల ముందుకు రాబోతుంది. విడుదల అయ్యాక ఎన్ని వివాదాలకు కారణం అవుతుందో చూడాలి.