యాభై కోట్ల క్లబ్బు దిశగా బాలయ్య

Posted: 04/07/2014 11:24 AM IST

భారీ అంచనాల మధ్య విడుదల అయిన ‘లెజెండ్ ’ సినిమా పై  కలెక్షన్ల వర్షం కురుస్తుంది. ఈ సినిమా కొత్త రికార్డులను స్రుష్టించడానికి సిద్దం అవుతుంది. అత్యధిక థియేటర్లలో విడుదల ఈ సినిమా తొలి వారంలో బాలయ్య కెరియర్లో ఇంత వరకు సాధించనంతగా 34 కోట్లు వసూలు చేసి, యాభై కోట్ల క్లబ్బులోకి పరుగులు పెడుతుంది.

తొలి వారం కలెక్షన్ల జోరు చూసిన సినీ విశ్లేషకులు ఈ సినిమా యాభైకోట్లు సాధించడం ఖాయం అని చెబుతున్నారు. మాస్ అండ్ యాక్షన్ ఎంటర్ టైనర్ గా రూపొందిన ఈ సినిమాకు బాలయ్య ఫ్యాన్స్ నుండి విపరీతమైన రెస్పాన్స్ వస్తుండటంతో పాటు, ప్రస్తుతం స్టార్ హీరోల సినిమాలు లేకపోవడంతో ఈ స్థాయి వసూళ్ళు వస్తున్నాయని అంటున్నారు.

ఒకవేళ విశ్లేషకుల అంచనా నిజమై 50 కోట్ల కబ్బులో చేరితే నందమూరి వంశంలో ఇంత భారీ వసూళ్లు సాధించిన తొలి హీరో బాలక్రిష్ణే అవుతాడు. ‘లెజెండ్ ’ మూవీ బోయపాటి శ్రీను దర్శకత్వంలో రూపొందగా... తొలిసారి పూర్తి విలన్ పాత్రలో జగపతిబాబు నటించాడు. సోనాల్ చౌహాన్, రాధికా ఆప్టే హీరోయిన్లుగా నటించారు. దేవిశ్రీ ప్రసాద్ సంగీతం కూడా  ఈ సినిమాకు ప్లస్ పాయింట్ గా చెప్పవచ్చు.