కన్నడ నాట ఎంట్రీ ఇస్తున్న తమన్నా

Posted: 02/21/2014 10:18 AM IST

మిల్కీ బ్యూటీ తమన్నా మళ్లీ ఫాంలోకి వచ్చింది. ప్రస్తుతం తెలుగులో బడా హీరోల సినిమాలతో బిజీగా ఉన్న ఈ అమ్మడు దక్షిణాది ప్రేక్షకులను తన అంద చందాలతో మత్తెక్కించింది. ఇప్పటి వరకు తెలుగు, తమిళ, హిందీ బాషల్లో నటించిన ఈ అమ్మడు కన్నడలో ఓ ఛాన్స్ కొట్టేసినట్లు సమాచారం.

తొలి సారిగా కన్నడ భాషలో నటిస్తున్న ఈ అమ్మడు అక్కడి సూపర్ స్టార్ పునీత్ రాజ్ కుమార్ హీరోగా ప్రముఖ దర్శకుడు వడయార్ దర్శకత్వంలో తెరకెక్కే  సినిమాలో ఈ అమ్మడుకు భారీ పారితోషికం కూడా ఆఫర్ చేశాడట. ప్రస్తుతం రాజమౌళి, శీనువైట్ల దర్శకత్వంలో బిజీగా ఉన్న ఈమె వచ్చిన అవకాశాన్ని వదులుకోవడానికి ఇష్టం లేక డేట్లు సర్దుబాటు చేసుకొని నటించాలని ఈ ముద్దుగుమ్మ కూడా ఉబలాటపడుతోంది.

కన్నడంలో తొలి సినిమా,  అదీ సూపర్ స్టార్ ప్రక్కన ఛాన్స్ కాబట్టి ఈ సినిమాకు ఎలాగొలాగో డేట్లు సర్దుబాటు చేస్తే... కన్నడంలో కూడా పాగా వేయవచ్చనే ఆలోచనలో ఉందట ఈ చిన్నది.