ముచ్చటగా మూడోసారి కాజల్ తో చరణ్

Posted: 12/31/2013 12:11 PM IST

రామ్ చరణ్, క్రిష్ణ వంశీ కాబింనేషన్లో తెరకెక్కబోతున్న మల్టీస్టారర్ చిత్రం కోసం హీరోయిన్లను ఎంపిక చేయడంలో దర్శక నిర్మాతలు ఎటూ తేల్చుకోలేక పోతున్నారో, లేక హీరోయిన్లే కావాలనే తప్పుకుంటున్నారో కానీ ఇప్పటికే చరణ్ సరసన పలువురి హీరోయిన్ల పేర్లు వినిపించాయి.

మొన్నటి మొన్న తమన్నాను ఫైనల్ చేశారని వార్తలు వచ్చాయి. కానీ ఇప్పుడు తమన్నా ఆ సినిమా నుండి తప్పుకుంది. ఆమె స్థానంలో కాజల్ వచ్చి చేరింది. తమన్నా ప్రస్తుతం ‘బహుబలి ’, ‘ఆగడు ’ చిత్రాల్లో ఫుల్ బిజీగా ఉండటంతో ఈ అమ్మడు డేట్లు అడ్జెస్ట్ చేయలేక పోవడంతో చివరకు కాజల్ ని ఎంపిక చేశారట. ఇప్పటికకే వీరిద్దరు నటించిన ‘మగధీర’, ‘నాయక్ ’ ఏ స్థాయి విజయాలు అందుకున్నాయో అందరికీ తెలిసిందే.

అదే సెంటిమెంటుతో కాజల్ ని ఫైనల్ చేశారట. కృష్ణవంశీ దర్శకత్వంలో బండ్ల గణేష్ నిర్మించనున్నారు. ఈ కొత్త సినిమా చిత్రీకరణ కొత్త సంవత్సరంలో మొదలు కానుంది. ఇందులో చరణ్‌తో పాటు శ్రీకాంత్ కూడా నటించనున్నారు.