బొమ్మాలి కోరిక పవన్ తీర్చేనా ?

Posted: 12/24/2013 09:33 AM IST

సినిమా ఇండస్ట్రీలో హీరోయిన్ గా ఎంత స్టార్ డమ్ సంపాదించుకున్నా, భారీ బడ్జెట్ చిత్రాల్లో నటిస్తున్నా కానీ, కొంత మంది హీరోయిన్స్ కి కొన్ని కొర్కెలు మిగిలే ఉంటాయి. వారిలో అనుష్క ఒకరు. టాలీవుడ్, కోలీవుడ్ ఇండస్ట్రీలో తనకంటూ ప్రత్యేక స్థానం సంపాదించుకున్న ఈ బొమ్మాలి ఇండస్ట్రీలోకి వచ్చి చాలా సంవత్సరాలు అయింది.

టాలీవుడ్ లో దాదాపు అందరి హీరోలతో కలిసి నటించిన ఈ అమ్మడు పవర్ స్టార్ పవన్ కళ్యాణ్ తో నటించే ఛాన్స్ మాత్రం రాలేదు. కానీ తాజాగా ఈ అమ్మడు తన మనస్సులోని మాటను ట్విట్టర్ ద్వారా బయట పెట్టింది. పవర్‌స్టార్ పవన్ కల్యాణ్‌తో కలిసి నటించాలని వుందని అనుష్క చెప్పింది.

ఇటీవల లేడీ ఓరియెంటెడ్, సోషియో ఫాంటసీ చిత్రాల్లో నటిస్తున్న అనుష్క విసిగిపోయి రొమాంటిక్ చిత్రంలో చేయాలని అనుకొని... ఒకవేళ ‘గబ్బర్‌సింగ్-2'లో అవకాశం వస్తే కనుక వెంటనే ఒప్పేసుకుంటాను ’అంటూ చెప్పింది. ఈ స్వీటీకి ఇప్పటికే 33యేళ్లు దాటాయి కాబట్టి త్వరలోనే రిటైర్ కావాల్సి ఉంటుంది.

అందుకే ఆ లోగా పవన్ తో పనిచేస్తే అందరూ స్టార్స్ తో పనిచేసినట్టు ఫీల్ కావచ్చనే ఇలాంటి ప్లాన్ వేసిందని సెటైర్స్ వేసేవారూ ఉన్నారు. ఇప్పటికే బాలీవుడ్ భామ అసిన్ ఈ సినిమాకు ఎంపికైందనే వార్తలు వస్తున్నాయి.

ఒకవేళ పవన్, అనుష్కకు ఛాన్స్ ఇస్తే మాత్రం అది మిరాకిలే అంటున్నారు ఫ్యాన్స్. అనుష్క కోరిక పవన్ తీర్చుతాడో ? లేదో ?