‘ఆటోనగర్ సూర్య ’ వచ్చేశాడు

Posted: 11/22/2013 07:22 PM IST

సినిమా దర్శకులు కొత్త ట్రెండుకు శ్రీకారం చుట్టారు. ఇటీవలి కాలంలో హీరో, హీరోయిన్ల బర్త్ డేల కానుకగా సినిమా ట్రైలర్లను గిఫ్టుగా విడుదల చేస్తున్నారు. మొన్నటికి మొన్న రాజమౌళి ప్రభాస్, అనుష్క బర్త్ డేలకు ‘బహుబలి ’ మేకింగ్ వీడియోలను విడుదల చేసి వారిని ఆనంద పరిచాడు. ఇఫ్పుడు దర్శకుడు దేవా కట్టా కూడా నటుడు నాగచైతన్యకు బర్త్ డే కానుకగా తాను దర్శకత్వం వహిస్తున్న ‘ఆటోనగర్ సూర్య ’ చిత్రం ట్రైలర్ ని విడుదల చేసి గిఫ్టుగా ఇచ్చాడు.

నాగచైతన్య – సమంతా జంటగా ఆర్ ఆర్. మూవీ మేకర్స్ బ్యానర్ పై కె. అచ్చిరెడ్డి నిర్మిస్తున్న ఈ చిత్రం గత కొన్ని రోజులుగా ఆర్థిక కారణాలతో ఆగిపోయి, ఇటీవల షూటింగు ప్రారంభించుకొని పూర్తి కావచ్చింది. ఈ చిత్రం ఆడియోని త్వరలో విడుదల చేసి, డిసెంబర్లో ప్రేక్షకుల ముందుకు తీసుకొని రావడానికి చిత్ర యూనిట్ ప్రయత్నిస్తోంది.

అనూప్ రూబెన్స్ సంగీతం అందిస్తున్నా ఈ చిత్రం  ఇప్పటికే ఎప్పుడో పూర్తి కావాల్సి ఉన్నా అనేక ఒడిదొడుకులు ఎదుర్కొంది. ఇన్ని రోజులు ఆలస్యం అయినా చైతూ బర్త్ డే నాటికి తిరిగి ప్రారంభించుకొని విడుదలకు సిద్దం అవుతుండం సంతోషకరమైన విషయమే.