కసితో ఉన్న జగన్ ఎన్టీఆర్ ను గట్టేక్కిస్తాడా?

Posted: 11/19/2013 01:29 PM IST

ప్రముఖ దర్శకుడు పూరి జగన్నాథ్.. స్టార్ హీరోలతో సినిమాలు లేక, చిన్నహీరోలతో సినిమాలు చేస్తున్నడనే టాక్ టాలీవుడ్ లో ఉంది. జగన్ కు వచ్చిన వరుస ప్లాపులే దినికి కారణమని టాలీవుడ్ పెద్దలు అంటున్నారు. అయితే జగన్ స్టార్ హీరో కోసం వేటలో ఉన్న విషయం తెలిసిందే. అయితే జగన్ కు సుడితిరిగే రోజులు మళ్లీ వస్తున్నాయని టాలీవుడ్ పెద్దలు అంటున్నారు. దానికి కారణం ఉందని కూడా చెబుతున్నారు. నందమూరి యంగ్ టైగర్ ఎన్టీఆర్ కన్ను ఇప్పుడు జగన్ పై పడింది.

 

అసలే విజయం కోసం మంచి కసితో ఉన్న జగన్, పై ఎన్టీఆర్ దుష్టి పెట్టినట్లు టాలీవుడ్. ఎన్టీఆర్ కూడా సినిమా హిట్ కోసం ఎదురు చూస్తున్న విషయం తెలిసింది. రీసెంట్ గా రామయ్యా వస్తావయ్యా సినిమా ప్లాప్ కావటంతో.. ఎన్టీఆర్ హిట్ కొట్టాలనే కసితో ‘జోరు ’ మీద ఉన్నారు. హిట్‌ ఇచ్చిన దర్శకుల్ని నమ్ముకున్నా తనకి హిట్‌ గ్యారెంటీ లేకపోవడంతో ఎన్టీఆర్‌ ఆలోచనలో మార్పు వచ్చింది. అందుకే ప్రస్తుతం ఫ్లాపుల్లో ఉన్న పూరి జగన్నాథ్‌తో సినిమా చేయాలని నిర్ణయించుకున్నాడు. ప్రస్తుతం స్టార్‌ హీరోలెవరూ తనమీద ఆసక్తి చూపించట్లేదని చిన్న హీరోలతో చేసుకుంటున్న పూరీకి స్వయంగా ఎన్టీఆర్‌ కబురంపించి కథ సిద్ధం చేయమని చెప్పినట్లు సమాచారం. ప్రస్తుతం ఎన్టీఆర్ ‘జోరు’ సినిమా తర్వాత తాను చేసే సినిమా ఏంటనేది ఎన్టీఆర్‌ ఇంకా ఫిక్స్‌ అవలేదు.

 

అయితే ఆంధ్రావాలాతో ఎన్టీఆర్‌ని నిరాశ పరిచిన పూరి ఇప్పుడు ఎలాగైనా పెద్ద హిట్టు కొట్టి పోయిన పరపతి తిరిగి తెచ్చుకోవాల్సిన పరిస్థితిలో ఉన్నాడు. ఆ కసితోనే తనకి హిట్‌ ఇచ్చేస్తాడని ఎన్టీఆర్‌ అనుకుంటున్నట్టున్నాడు. ఒక వేళ జగన్ ఎన్టీఆర్ కు న్యాయం చేయలేకపోతే మాత్రం ఈ ఇద్దరి ఖాతాలో మరో సినిమా చేరుతుందని టాలీవుడ్ పెద్దలు అంటున్నారు. ఎన్టీఆర్, జగన్ కలిసి తీసే సినిమా పై నందమూరి అభిమానులు కూడా ఆశగా ఉన్నారు. ఈ ఇద్దరు విజయం సాధించాలని కోరుకుందాం.