అభిమానుల కోసం వస్తున్న పవన్

Posted: 10/02/2013 11:29 AM IST

పవన్ కళ్యాణ్ ఫ్యాన్స్ కి గుడ్ న్యూస్. ఈయన నటించిన ‘అత్తారింటికి దారేది చిత్రం ’ సూపర్ హిట్ అవ్వడమే కాకుండా కలెక్షన్ల పరంగా శరవేగంగా దూసుకెళ్తూ కొత్త రికార్డులు క్రియేట్ చేస్తున్న విషయం తెలిసిందే. ఇప్పటికే 40 కోట్లకు పైగా వసూళ్లు సాధించిన ఈ సినిమా పై పైరసీ ప్రభావం ఏ మాత్రం పడలేదు. దీంతో చిత్ర యూనిట్ తెగ సంతోష పడటమే కాకుండా, ఈ సినిమాకు సంబంధించిన సక్సెస్ మీట్ ని భారీ స్థాయిలో ఈ ఆదివారం రోజున శిల్పకళా వేదికలో నిర్వహించాలని  భావిస్తున్నారు. దీనికి సంబంధించిన ఏర్పాట్లను కూడా ముమ్మరం చేస్తున్నారు.

ఆడియో ఫంక్షన్లు, సక్సెస్ మీట్ లు, ప్రమోషన్ల పై పెద్దగా ఆసక్తి చూపని పవన్ కళ్యాణ్ దీనికి వస్తాడా ? అంటే ఖచ్చితంగా వస్తాడట. ఈ కార్యక్రమంలో పాల్గొని ఈ చిత్రాన్ని ఇంత పెద్ద హిట్ చేసిన అభిమానులకు, పవన్ పై చూపిస్తున్న అభిమానికి కృతజ్ఞతలు చెప్పడానికి సిద్ధం అవుతున్నాడని అంటున్నారు. ఈ వేడుకతో ప్రేక్షకుల ముందుకు పవన్ వస్తుండటంతో ఆ రోజు కోసం అభిమానులు ఆసక్తితో ఎదురు చూస్తున్నారు.