చైతూ ప్రక్కన చేరిన హన్సిక

Posted: 07/31/2013 11:03 PM IST

బబ్లీ బ్యూటీ గా పేరు తెచ్చుకున్న హన్సికకు ఇప్పుడు టాలీవుడ్ లో ఛాన్స్ వచ్చింది. నాగార్జునతో ‘ఢమరుకం ’ సినిమా తీసిన శ్రీనివాస రెడ్డి దర్శకత్వంలో నాగ్ హిట్ చిత్రం అయిన ‘హలో బ్రదర్ ’ సినిమా రీమేక్ చేయబోతున్నారనే వార్తలు వస్తున్న విషయం తెలిసిందే. ఈ సినిమాను శివప్రసాద్ రెడ్డి నిర్మించబోతున్నాడని, ఇందులో హన్సిక చైతూ సరసన జోడి కట్టబోతుందని కూడా వార్తలు వచ్చాయి. ఈ విషయం పై ఆ మధ్య స్పందించిన హన్సిక నేను చైతూ సరసన నటించడం లేదని, నేను ఏ సినిమాకు సైన్ చేయలేదని చెప్పింది. కానీ ఈ సినిమాకు కాస్త నిర్మాత మారడంతో ఈ విషయం బయటికి వచ్చింది. ఈ సినిమాను సి. కళ్యాణ్ నిర్మించబోతున్నారు. ఆయన చైతూ సరసన హన్సిక నటించబోతుందని,  ఈ సినిమా సెప్టెంబర్లో ప్రారంభమవుతుందనీ, ఆకుల శివ దీనికి అద్భుతమైన కథ ఇచ్చాడనీ తెలిపాడు. హన్సిక కాదు కాదంటూనే చైతూ సరసన చేరిందని సినీ జనాలు అంటున్నారు. ఆడవారి మాటలకు అర్థాలు వేరులే అంటే ఇదేనేమో.