పవన్ ‘తొలిప్రేమ ’ రీమేక్

Posted: 07/31/2013 09:45 AM IST

దాదాపు పది హేను సంవత్సరాల క్రితం పవర్ స్టార్ పవన్ కళ్యాణ్ కెరియర్ కి ఊపు తీసుకొచ్చిన చిత్రం ‘తొలిప్రేమ ’. పవన్ కల్యాణ్ హీరోగా, కరుణాకరణ్ దర్శకత్వంలో వచ్చిన ఈ సినిమా అప్పుడు సెన్సేషన్. ఈ సినిమా తరువాత పవన్ కి యూత్ ఫాలోయింగ్ ఫుల్లుగా వచ్చేసింది. అయితే ఇఫ్పుడు ఫిలింనగర్ నుండి వినిపిస్తున్న వార్తల ప్రకారం ఇప్పుడు ఈ సినిమాను నితిన్ హీరోగా రీమేక్ చేసే ప్రయత్నాలు జరుగుతున్నాయట. పవన్ కళ్యాణ్ కి పెద్ద ఫ్యాన్ అయిన నితిన్ ఇటీవలే ఈ సినిమాలోని పాటను తన సినిమాలో పెట్టుకొని పెద్ద హిట్టుకొట్టాడు. త్వరలో కరుణాకరణ్ దర్వకత్వంలో నితిత్ హీరోగా ఓ చిత్రం రూపుదిద్దుకుంటుంది. సెప్టెంబర్ నుండి సెట్స్ పైకి వెళ్లే ఈ సినిమా ‘తొలి ప్రేమ’కు రీమేక్ అని సమాచారం. ఇటీవల కరుణాకరణ్ ఓ సందర్భంలో మాట్లాడుతూ, తొలిప్రేమను ఇప్పుడు రీమేక్ చేసినా పెద్ద సక్సెస్ అవుతుందని, అన్ని విధాల అర్హతలు ఉన్న చిత్రమని అంటున్నాడు. దాంతో వీరిద్దరి కాంబినేషనల్లో వచ్చే ఈ సినిమా దానికి రేమేక్ అనే వార్తలకు మరింత బలం చేకూరింది. పవన్ అభిమానిగా ఉన్న నితిన్ ఈ చిత్రం చేస్తే ఫ్యాన్స్ ఏ మేరకు అంగీకరిస్తారో చూడాలి.