హన్సిక కోటి డిమాండ్ చేస్తుంది

Posted: 07/18/2013 03:03 PM IST

Hansika motwani demands 1 crore remuneration

కోలీవుడ్ ముద్దు బొద్దు గుమ్మ జూనియర్ కుష్బూ అయిన హన్సిక స్టార్ హీరోల సరసన అవకాశాలైతే కొట్టేస్తుంది కానీ ఇటీవల ఈ అమ్మడు ఖాతాలో సరైన హిట్టు లేదు. ఈ మధ్యన తెలుగులో విడుదల అయిన ‘సమ్ థింగ్ సమ్ థింగ్ ’ సినిమాలో నటించింది. ప్రస్తుతం కోలీవుడ్ లో ఒకటి రెండు సినిమాల్లో నటిస్తున్న హన్సిక ఈ మధ్య తన పారితోషికాన్ని పెంచినట్లు సమాచారం. ఇటీవలే తమిళంలో కమీట్ అయిన సినిమాలో శివ కార్తికేయన్ అనే హీరో సరసన నటించడానికి గ్రీన్ సిగ్నల్ ఇచ్చిందట. హన్సిక ఏంటి ? అతనితో నటించడం ఏంటని అందరు ముక్కున వేలేసుకున్నారు. కానీ అతనితో చేయడానికి ఈ అమ్మడు భారీ రేటును డిమాండ్ చేసిందని ప్రస్తుతం 60 నుండి 70 లక్షల వరకు పారితోషికం తీసుకుంటున్న ఈమె ఈ సినిమా కోసం ఏకంగా కోటి రూపాయాలు డిమాండ్ చేయడమే కాకుండా, ఒక్క రూపాయి తగ్గినా నటించనని ఖరాఖండిగా చెప్పిందట. దీంతో చేసేదేమి లేక కిక్కువనకుండా కోటి రూపాయలు ఇచ్చి ఈ అమ్మడును బుక్ చేసుకున్నారని అంటున్నారు. మరి ఈ పెంచిన రేటు ఈ సినిమా వరకే గానీ, మిగతా సినిమాలకు కూడా ఇదే రేటు అయితే ఈ అమ్మడును బుక్ చేసుకునే వారే ఉండరని సినీ జనాలు అనుకుంటున్నారు.