బాలయ్యకు పంచ్ ఇచ్చింది

Posted: 06/13/2013 05:51 PM IST

Erica fernandez denies her telugu movie with balakrishna

నందమూరి నట సింహం బాలయ్యకు మిస్ ఇండియా షాక్ ఇచ్చింది. ప్రస్తుతం బాలయ్య – బోయపాటి శీను కాంబినేషన్లో రూపొందబోతున్న ‘జయసింహా ’ సినిమాలో 2012 లో మిస్ ఇండియాగా ఎంపికైన ఎరికా ఫెర్నాండేజ్ బాలయ్య సరసన హీరోయిన్ గా ఎంపికైయిందనే వార్తలు వచ్చిన విషయం తెలిసిందే. అయితే ఈ వార్తల పై ఎరికా ఫెర్నాండేజ్ ట్విట్టర్ లో స్పందిస్తూ.... తాను బాలకృష్ణ సినిమాలో నటించడం లేదని, బాలకృష్ణతో ఏ తెలుగు సినిమాకు కమిట్ కాలేదని, అదంతా అసత్య ప్రచారమే అని ట్విట్టర్ ద్వారా స్పష్టం చేసారు. దీంతో బాలయ్యకు మళ్లీ హీరోయిన్ కరువు అయింది. ఇప్పటికే బాలయ్య సరసన నటించడానికి పలువురు విముఖత వ్యక్తం చేశారు. ఓ సందర్భంలో విద్యాబాలన్ ని తీసుకుందామని అనుకున్నారు. కానీ ఆమె నుండి ఎలాంటి స్పందన రాకపోయే సరికి ఎరికాను సంప్రదించారని అన్నారు. ఎరికా ఫెర్నాండేజ్ ప్రస్తుతం ఈ అమ్మడు టాలీవుడ్ లో ‘డేగ ’ చిత్రంలో నటిస్తుంది. ఈ భామ షాక్ ఇచ్చే సరికి దర్శక నిర్మాతలు హీరోయిన్ వేటలో పడ్డారు. బాలయ్య సరసన నటించడానికి ఏ అమ్మడు మొగ్గు చూపుతుందో చూడాలి.

ఇక ఈ చిత్రాన్ని వారాహి చలన చిత్రం సమర్పణలో 14 రీల్స్ ఎంటర్టెన్మెంట్ సంస్థ ఈచిత్రాన్ని ప్రొడక్షన్ నెం.4గా నిర్మిస్తోంది. రామ్ ఆచంట, గోపీచంద్ ఆచంట, అనిల్ సుంకర, సాయికొర్రపాటి. దేవిశ్రీ ప్రసాద్ సంగీతం అందిస్తున్నారు. సింహా తరువాత రిపీట్ అవుతున్న ఈ కాంబినేషన్ పై భారీ అంచనాలు ఉన్నాయి.