‘గుండెజారి’ దర్శకుడి కోసం చెర్రీ చూపులు

Posted: 05/02/2013 03:31 PM IST

ప్రస్తుతం సినిమా ఇండస్ట్రీలోకి వచ్చే కొత్త దర్శకులు పాత వాళ్ళ మాదిరి కాకుండా,  ఈ ట్రెండ్ కి తగ్గట్లు ఢిఫరెంట్ స్టైల్లో యూత్ ని టార్గెట్ చేసి సినిమాలు చేసి తొలి ప్రయత్నంలోనే సక్సెస్ అవుతున్నారు. ఆ కోవకు చెందిన వాడే దర్శకుడు విజయ్ కుమార్. ఈయన ఇటీవల దర్శకత్వం వహించిన ‘గుండెజారి గల్లంతయ్యిందే ’ సినిమా మంచి విజయాన్ని సాధించడమే కాకుండా, విమర్శకుల నుండి ప్రశంసలు అందుకుంటుంది. కలెక్షన్ల విషయంలో కూడా దూసుకుపోతుంది. ఈ సినిమా చూసిన సినీ ఇండస్ట్రీలోని పలువురు ప్రముఖులు దర్శకుడి ప్రతిభను మెచ్చుకుంటున్నారు కూడా. ఇక యువ హీరోలు అయితే ఈయన దర్శకత్వంలో ఓ సినిమా చేయాలని ఆరాటపడుతున్నారు. అందులో మొదటి వరుసలో ఉన్నది మాత్రం రామ్ చరణ్ తేజ్. ఈయన దర్శకత్వం ప్రతిభకు ముగ్దుడైన ఆయన ఈయనతో చిత్రం చేయడానికి ఉత్సాహం చూపుతూ అతనికి సంకేతాలు కూడా పంపాడట. ఈ నేపథ్యంలో దర్శకుడు విజయ్ కుమార్ తన తదుపరి చిత్రాన్ని ఏ హీరోతో చేస్తాడన్నది ఆసక్తికరంగా మారింది.