Posted: 03/06/2013 07:13 PM IST

రామ్ చరణ్ బాలీవుడ్ డెబ్యూట్ మూవీ ‘జంజీర్ ’ సినిమాలో విలన్ క్యారెక్టర్ పోషించిన సోనూసూద్ గాయం పాలు కావడంతో అతని స్థానంలో ఈ సినిమాలో విలన్ గా రియల్ స్టార్ శ్రీహరిని తీసుకున్న విషయం తెలిసిందే. తెలుగు వెర్షన్లో విలన్ గా చేస్తున్న శ్రీహరి ఈ మధ్యనే ఈ సినిమా షూటింగులో పాల్గొన్నాడు. ఇతని పై ఈ సినిమాకి సంబంధించిన కొన్ని సన్నివేశాలను శ్రీహరి పై చిత్రీకరించారు. ఈయన యాక్టింగ్ ని చూసిన దర్శకుడు అపూర్వ లిఖియా ఫిదా అయిపోయాడు. శ్రీహరి నటన అద్బుతంగా ఉంది. శ్రీహరి ఇంత బాగా నటిస్తాడని అనుకోలేదు అని ఆయన్ను పొగడ్తల్లో ముంచుతూ ట్వీట్ చేశాడు. ఇక ఈ సినిమాకు సంబంధించిన షూటింగ్ దాదాపు పూర్తి కావచ్చింది. ఈ సినిమాని వేసవి కానుకగా విడుదల చేయడానికి సన్నాహాలు చేస్తున్నారు.