Posted: 02/11/2013 12:29 PM IST

రాజకీయ నాయకుడి కొడుకు రాజకీయ నాయకుడు, డాక్టర్ కొడుకు డాక్టర్, లాయర్ కొడుకు లాయర్, హీరో కొడుకు హీరో, హీరోయిన్ కూతురు హీరోయిన్ ఇలా వారసత్వాన్ని తీసుకోవడం అనాదిగా వస్తుంది. ఇక ముఖ్యంగా ఈ కాలంలో సినిమాల్లో ఇది ఎక్కువగా కనిపిస్తుంది. తాజాగా ఫిలినగర్ నుండి వస్తున్న సమాచారం ప్రకారం.... నటుడు రాజశేఖర్ పెద్ద కూతురు శివాణీ త్వరలో వెండితెరకు తెరంగ్రేటం చేస్తుందని వార్తలు వినిపిస్తున్నాయి. గతంలో ఈమె రాజశేఖర్ నటించిన ‘మహాంకాళి ’ సినిమా ఫంక్షన్ లో ఆడి, పాడింది. అప్పుడే ఈమెను రానున్న కాలంలో హీరోయిన్ గా పరిచయం చేస్తారని అనుకున్నారు. ఇన్ని రోజుల తరువాత ఈమెను బాలక్రిష్ణకు బ్లాక్ బస్టర్ ప్లాప్ ని ఇచ్చిన ‘మిత్రుడు ’ దర్శకుడి ద్వారా పరిచయం చేయనున్నారని అంటున్నారు. ఇప్పటికే శివాని నటన, డ్యాన్సుల్లో శిక్షణ తీసుకుంటోంది. ఈమె నటించే ఈ సినిమాలో రాజశేఖర్ కూడా ఓ ముఖ్యమైన పాత్ర పోషిస్తున్నట్లు సమాచారం.  మరి శివాని వెండితెర పై మంచి హీరోయిన్ గా పేరు తెచ్చుకుంటుందో లేదో చూడాలి.