Posted: 02/07/2013 11:53 AM IST

    

       డైనమిక్‌ డైరెక్టర్‌ గుణశేఖర్‌ ఎంతో ప్రతిష్టాత్మకంగా తీసుకుని 'అరుంధతి' అనుష్కతో సొంత సంస్థ గుణా టీమ్‌ వర్క్స్‌ పతాకంపై రూపొందిస్తున్న భారతదేశపు తొలి హిస్టారికల్‌ స్టీరియోస్కోపిక్‌ 3డి చిత్రం 'రుద్రమదేవి'. ఈ చిత్రానికి మేస్ట్రో ఇళయరాజా సంగీతాన్ని అందిస్తున్న విషయం తెలిసిందే. ప్రస్తుతం ఈ చిత్రానికి సంబంధించిన మ్యూజిక్‌ సిట్టింగ్స్‌ జరుగుతున్నాయి. ఈ సందర్భంగా దర్శకనిర్మాత గుణశేఖర్‌ ఈ చిత్రానికి సంబంధించిన అప్డేట్స్ వెల్లడించారు. ‘ఈ కథ వినగానే ఇళయరాజా ఎంతో ఇన్‌స్పైర్‌ అయ్యారు. ఇంటర్నేషనల్‌ స్టాండర్డ్స్‌ లో తీస్తున్న ఈ సినిమాకి మ్యూజిక్‌ కూడా ఇంటర్నేషనల్‌ స్టాండర్డ్స్‌ లోనే వుండాలన్న ఉద్దేశంతో ఇళయరాజా స్పెషల్‌ ఇంట్రెస్ట్‌ తీసుకొని చేస్తున్నారు. చెన్నైలోని టెంపుల్‌ బే రిసార్ట్స్‌ లో ఈ చిత్రానికి సంబంధించిన ఆరు పాటల కంపోజింగ్‌ పూర్తయింది. ఎక్స్‌ ట్రార్డినరీ సాంగ్స్‌ ఇవ్వడమే కాకుండా ఈ పాటలను లండన్‌ లో సింఫనీ ఆర్కెస్ట్రాతో రికార్డ్‌ చేయడానికి ఇళయరాజా నిర్ణయించారు. హై స్టాండర్డ్స్‌ తో రూపొందుతున్న 'రుద్రమదేవి' మ్యూజిక్‌ పరంగా కూడా ఓ ప్రెస్టీజియస్‌ మూవీ కానుంది’. అని తన ఆనందాన్ని వెలిబుచ్చారు.

       పరాక్రమశాలి 'రుద్రమ దేవి' అవతారంలో అనుష్క కనిపించబోతోన్న ఈ చిత్రానికి ఆర్ట్‌: పద్మశ్రీ తోట తరణి, ఫోటోగ్రఫీ: అజరు విన్సెంట్‌, ఎడిటింగ్‌: శ్రీకర్‌ ప్రసాద్‌, ఫైట్స్‌: రామ్‌లక్ష్మణ్‌, విఎఫ్‌ఎక్స్‌ సూపర్‌వైజర్‌: కమల్‌ కణ్ణన్‌ (ప్రసాద్‌ ఇఎఫ్‌ఎక్స్‌), కాస్ట్యూమ్‌ డిజైనర్‌: నీతా లుల్లా (జోధా అక్బర్‌ ఫేం), నిర్మాత: గుణశేఖర్‌, కథ-స్క్రీన్‌ప్లే-దర్శకత్వం: గుణశేఖర్‌.

...avnk