Posted: 02/06/2013 06:10 PM IST

       తెలుగు చిత్ర సీమలో కబడ్డీ, క్రికెట్‌, పుట్‌బాల్‌ వంటి క్రీడా నేపథ్యంలో ఇంతవరకు ఎన్నో చిత్రాలొచ్చాయి. ఇప్పుడు 'ఖోఖో' ఆట నేపథ్యంలో ఓ చిత్రాన్ని రూపొందిస్తున్నారు. శ్రీ పార్థు క్రియేషన్స్‌ పతాకంపై ‘ఖోఖో’ పేరుతో రూపొందుతున్న ఈ చిత్రంలో రాజేష్‌కుమార్‌, అమృతవల్లి హీరోహీరోయిన్లుగా నటిస్తున్నారు. రామ్స్‌ రాథోడ్‌ దర్శకత్వంలో సాధుల శ్రీనివాస్‌ ముదిరాజ్‌ మూవీని నిర్మిస్తున్నారు.
             ఈ చిత్రం ఆడియో ప్లాటినమ్‌ డిస్క్‌ వేడుకకు అతిథులుగా విచ్చేసిన తెలంగాణ రాజకీయ జె.ఎ.సి. ఛైర్మన్‌ ప్రొ.కోదండరామ్‌, ఉద్యోగ సంఘాల జె.ఎ.సి. ఛైర్మన్‌ శ్రీనివాసగౌడ్‌, తెలంగాణ ఫిలిం చాంబర్‌ అధ్యక్షుడు విజయేందర్‌రెడ్డి చిత్ర యూనిట్‌కు ప్లాటినమ్‌ జ్ఞాపికలను అందజేశారు.
         ఈ సందర్భంగా ప్రొ.కోదండరామ్‌ మాట్లాడుతూ, 'నేటి పాటలు పాశ్చాత్య ప్రభావానికి లోనై ఉంటున్నాయి. స్థానికంగా మనకు అద్భుతమైన సంగీతం ఉంది. దానిని ఉపయోగించుకుంటే కొత్త పరిమళాలను వెదజల్లే అవకాశం ఉంది. ఇక ఈ ఆడియోతో పాటు చిత్రం కూడా విజయవంతం కావాలని కోరుకుంటున్నాను' అని కాంక్షించారు.

...avnk