Posted: 01/24/2013 06:14 PM IST

      యంగ్ హీరో వరుణ్‌సందేశ్‌, నిషా అగర్వాల్‌ జంటగా నటిస్తున్నతాజా చిత్రానికి 'సరదాగా అమ్మాయితో' పేరు నిర్ణయించారు. గతంలో 'రాజు మహరాజు' చిత్రాన్ని నిర్మించిన శ్రీకుమారస్వామి ప్రొడక్షన్స్‌ అధినేత పత్తికొండ కుమారస్వామి దర్శకుడు భానుశంకర్‌ దర్శకత్వంలో ఈ మూవీ రూపొందిస్తున్నారు. ఇప్పటివరకు ఈ మూవీ గచ్చిబౌలి, రామానాయుడు స్టూడియో, ఉప్పల్‌ తదితరప్రాంతాల్లో షూటింగ్‌ జరుపుకుంది. ప్రస్తుతం ఫిలింసిటీలో ఒక పాట చిత్రీకరణ మూడురోజులుగా జరుగుతోంది. దీని తర్వాత మరో పాటను అక్కడే తీయడంతో షూటింగ్‌ పూర్తవుతుంది. మరోపక్క ఎడిటింగ్‌ కార్యక్రమాలు కూడా జరుగుతున్నాయి. ఈ చిత్రానికి భానుశంకర్‌ స్ర్కిప్ట్ రూపొందించారు. ఈ యూత్‌ ఎంటర్‌టైనర్‌ చిత్రానికి రవివర్మ సంగీతం.
          సుమన్‌, అలీ, ఎం.ఎస్‌. నారాయణ, కృష్ణభగవాన్‌, ముమైత్‌ఖాన్‌ తదితరులు నటిస్తున్న ఈ చిత్రానికి కెమెరా: జి. శ్రీనివాస్‌, స్క్రీన్‌ప్లే: సురేంద్రకృష్ణ, నిర్మాతలు: పత్తికొండ అర్పిత్‌, పత్తికొండ కిశోర్‌, పత్తికొండ కిరణ్‌.

...avnk