Posted: 01/05/2013 02:51 PM IST

        వెండితెరమీదా, అనంతరం రాజకీయరంగంలోనూ శహభాష్ అనిపించుకున్న రోజా ఇప్పుడు  ఓ విలక్షణమైన పాత్రను పోషిస్తోంది.  మాటలు రాని, వినికిడి సమస్యతో బాధపడే పాత్రలో కనిపిస్తుంది. ఈ పాత్రలో రోజా  అద్భుతంగా నటించిందని తెలుస్తోంది. ఇంతకీ ఇది ఎక్కడ.. ఏమిటీ అని సందేహిస్తున్నారా.. చేపకళ్ల చిన్నది శ్రియ శరన్ వేశ్యగా నటిస్తున్న ‘పవిత్ర’ సినిమాలో.  గతంలో “దేవస్థానం” చిత్రానికి దర్శకత్వం వహించిన జనార్ధన్ మహర్షి ఈ చిత్రానికి దర్శకత్వం వహిస్తున్నారు. కే సాధక్ కుమార్ మరియు జి మహేశ్వర్ రెడ్డి ఈ చిత్రాన్ని నిర్మిస్తున్నారు.
         మొన్ననే ఈ చిత్ర మొదటి లుక్ విడుదల చేసారు. కథాంశానికి వస్తే ఈ చిత్రం ఒక వేశ్య చుట్టూ తిరుగుతుంది, ఈ చిత్రంలో చివరగా ఆమె పెద్ద రాజకీయ నాయకురాలు అవుతుంది.  శ్రియ వేశ్య పాత్ర చేస్తుంది. ఇప్పటికే చిత్రం అరవైశాతం టాకీ పూర్తిచేసుకుంది. నిన్న, ఇవాళ జూబ్లీహిల్స్‌ లోని ఓ భవంతిలో కీలక సన్నివేశాల చిత్రీకరణ జరుగుతోంది. రాజకీయనాయకుడిగా సాయికుమార్ నటిస్తున్నాడు. గతంలో రోజాతో డ్యూయెట్లు పాడిన సాయి ఈ సినిమాలో ఆమెకు భర్తగా నటిస్తున్నారు. రోజా కోడలి గా శ్రియ అభినయిస్తుంది. గతంలో అయ్యప్పగా కనిపించిన కౌశిక్ ఇందులో కొత్త తరహాలో కనిపిస్తాడు.

          సాయి కుమార్, రోజా మరియు ఏ వి ఎస్ ఈ చిత్రంలో ప్రధాన పాత్రలు పోషిస్తున్నారు. వి ఎన్ సురేష్ కుమార్ ఈ చిత్రానికి సినిమాటోగ్రాఫర్. ఎం ఎం శ్రీలేఖ సంగీతం అందిస్తుండగా ఈ చిత్రం ఈ నెలలో చిత్రీకరణ పూర్తి చేసుకొని మార్చి లో ప్రేక్షకుల ముందుకి రానుంది.

...avnk