Posted: 12/18/2012 06:13 PM IST

          మొన్నటివరకూ యన్టీఆర్ ని అడ్డుపెట్టుకుని నందమూరి ఫ్యామిలీ ఇచ్చిన ఊకదంపుడు పరంపర ఇప్పుడు మెగా ఫ్యామిలీని పట్టుకుందా.. చూస్తుంటే అదే అనిపిస్తుంది.  'మగధీర'లో బంగారు కోడిపెట్ట, 'రచ్చ'లో వానా వానా.. త్వరలో రానున్న 'నాయక్‌'లో శుభలేఖ రాసుకున్న.. పాటలను రీమిక్స్‌ చేసి విజయాలను అవలీలగా అందుకోవాలని రామ్ చరణ్ ముందుకు కదులుతున్నసంగతి తెలిసిందే.
          ఈనేపథ్యంలో తనూ హీరోగా నిలబడటానికి మేనమామ (చిరు) పరోక్ష సహకారం తీసుకునేందుకు అర్రులు చాస్తున్నాడు సాయిధర్మతేజ. దీనిలో భాగంగా చిరు ‘దొంగ’ సినిమా నుంచి సూపర్ హిట్ గోలీమార్‌ గీతాన్ని దిగుమతి చేసుకోక తప్పదని నిర్ణయించుకున్నాడు. ప్రస్తుతం తాను నటిస్తోన్న 'రేయ్' చిత్రం కోసం ఈ సాంగ్‌ను రీమిక్స్‌ చేస్తున్నాడు. ప్రస్తుతం ధర్మతేజా - శ్రద్ధాదాస్‌లపై ఈపాటను చిత్రీకరిస్తున్నారు. వైవియస్‌.చౌదరి దర్శకుడిగా వ్యవహరిస్తున్న ఈ సినిమా జనవరిలో ప్రేక్షకుల ముందుకు తీసుకురానుంది. అదీ సంగతీ...   

...avnk