Posted: 11/03/2012 05:04 PM IST

రెబల్ స్టార్ ప్రభాస్ హీరోగా, కొరటాల శివ దర్శకత్వంలో రూపొందుతున్న చిత్రం ‘మిర్చి ’. ఈ చిత్రంలో అనుష్క, రీచా గంగోపాద్యాలు హీరో హీరోయిన్లుగా నటిస్తున్నారు. షూటింగు చివరి ధశకు చేరుకున్న ఈ చిత్రాన్ని వి. వంశీక్రిష్ణ, ప్రమోద్ ఉప్పలపాటి కలిసి సంయుక్తంగా నిర్మించారు. ఇక ఈ చిత్రాన్ని వచ్చే ఏడాది 2013 జనవరి రెండో వారంలో విడుదల చేస్తామని ప్రకటించారు. కానీ అప్పుడు సంక్రాంతి సీజన్ కాబట్టి చాలా సినిమాలు విడుదల కాబోతున్నాయి. ఈ నేపథ్యంలో  ఎవరి సినిమాలు లేని సమయంలో విడుదల చేస్తే సినిమా బాగా ఆడుతుందని భావించిన సదరు నిర్మాతలు డిసెంబర్ 21 తేదీన విడుదల చేస్తే... క్రిస్ మస్, న్యూ ఇయర్, సంక్రాంతి హాలిడేస్ కలిసొచ్చి సినిమాకు మంచి ఓపెనింగ్స్ వస్తాయని భావిస్తున్నారట నిర్మాతలు. నవంబర్ చివరి వారంలో ఆడియో విడుదల చేసే అవకాశం ఉంది. అయితే దీనిపై అఫీషియల్ ప్రకటన వెలువడాల్సి ఉంది. ఈ చిత్రంలో మాస్, క్లాస్ ప్రేక్షకుల సరిపోయే అన్ని అంశాలు ఉన్నాయని అంటున్నారు.