Posted: 09/05/2012 01:46 PM IST

      ముంబైలో బాలీవుడ్ స్టార్ హీరోయిన్స్ ర్యాంప్ వాక్ పై హల్ చల్ చేశారు. ఆడ శిశులను రక్షించండి అనే నినాదంతో ఓ ఎన్జీఓ సంస్థ నిర్వహించిన కార్యక్రమానికి బాలీవుడ్ స్టార్స్ తరలివచ్చారు. ప్రముఖ డిజైనర్ మనీష్ మల్హోత్ర, రూపొందించిన డిజైన్  వేర్ ధరించి క్యాట్ వాక్ చేశారు. బాలీవుడ్ హీరోయిన్స్ ప్రియాంక చోప్రా,దియా మీర్జా, నేహా దూపియా, సమీరారెడ్డి, మలైకా ఆరోరా, ఒలింపిక్ స్టార్ మేరికోమ్ , బాలీవుడ్ డైరెక్టర్ ప్రభుదేవా, డైరెక్టర్, నిర్మాత కరణ్ జోహర్ లు ర్యాంప్ వాక్ చేశారు.
         ఇదిలా ఉండగా,  అజయ్ దేవగన్ నటిస్తూ నిర్మిస్తున్న సన్ ఆఫ్ సర్దార్ చిత్రంపై తలెత్తిన వివాదానికి తెరపడింది. ఈ చిత్రంలోని అభ్యంతరకర అంశాలను తొలగిస్తామని అజయ్ దేవగన్ సిక్కు సంస్థలకు హామీ ఇచ్చారు. ప్రస్తుతం ఈ చిత్రం ఎడిటింగ్ దశలో ఉన్నప్పటికీ ప్రోమోను ఇటీవలే విడుదల చేశారు. ఇందులో సిక్కులను తక్కువ చేసి చూపించే విధంగా సంభాషణలు ఉన్నట్టు పలు సిక్కు సంస్థలు అభ్యంతరాలు వ్యక్తం చేశాయి. దీంతో వాటిని తొలగించేందుకు అజయ్ దేవగన్ హామీ ఇవ్వడం ద్వారా వివాదానికి తెరదించారు. అశ్విన్ ధీర్ దర్శకత్వం వహించిన సన్ ఆఫ్ సర్దార్ చిత్రం నవంబర్ 13న దేశవ్యాప్తంగా విడుదల కానుంది.

...avnk