Posted: 08/30/2012 09:06 PM IST

      ఈమధ్య టాలీవుడ్ లో ఓ కొత్త ట్రెండు మొదలైంది. విడుదలకు రెడీ అయిన సినిమా ఏదైనా తమకు నచ్చితే, వెంటనే దానిని కొందరు నిర్మాతలు ఓల్ సేల్ గా కొనేస్తున్నారు. నిర్మాతలుగా ఓ పక్క కొనసాగుతూనే, మరోపక్క ఇలా సినిమాలు కొనేసి, పంపిణీదారులుగా కూడా చెలామణీ అవుతున్నారు. ఈ కోవలో ఇప్పుడు 'దూకుడు' చిత్ర నిర్మాతల్లో ఒకరైన అనిల్ సుంకర కూడా చేరిపోయాడు. తాజాగా ఆయన 'వెన్నెల 1 1/2' చిత్రాన్ని తీసుకున్నారు. వెన్నెల కిషోర్ దర్శకత్వంలో వెన్నెల సినిమాకి సీక్వెల్ గా రూపొందిన ఈ చిత్రం నిర్మాణ కార్యక్రమాలను ఇప్పటికే పూర్తి చేసుకుంది. ఇందులో బ్రహ్మానందం కామెడీ చిత్రానికి హైలైట్ అని అంటున్నారు. కాగా, ఈ సినిమాని సెప్టెంబర్ 14 న విడుదల చేయటానికి సన్నాహాలు చేస్తున్నారు. ఇందులో చైతన్య కృష్ణ , మోనాల్ గజ్జర్ జంటగా నటించారు.

...avnk