Posted: 08/23/2012 01:04 PM IST

       నవదీప్‌, రీతూబర్మేచ జంటగా శ్రీహరి ప్రధానపాత్రతో ఓ సరికొత్త సినిమా త్వరలో ప్రేక్షకులను కనువిందు చేయబోతోంది. 'వసూల్‌ రాజా' టైటిల్ తో ఈ చిత్రం అన్నపూర్ణ స్టూడియోస్ లో ప్రారంభమైంది. కార్తికేయ గోపాలకృష్ణ (సిద్ధం దర్శకుడు) దర్శకత్వం వహిస్తున్న ఈచిత్రాన్ని రతన్‌ పాండే, మహంకాళి దివాకర్‌లు నిర్మిస్తున్నారు.తొలి సన్నివేశానికి ఏరాసు ప్రతాప్‌రెడ్డి క్లాప్‌ఇవ్వగా, మంచు మనోజ్‌, లక్ష్మీ ప్రసన్న, తాప్సీలు కలిపి కెమేరా స్విచ్చాన్‌ చేశారు. ఈ సందర్భంగా శ్రీహరి సినిమా విశేషాలు తెలిపారు. ‘దర్శకుడు చెప్పిన కథ బాగా నచ్చింది. మంచి సినిమా తీయాలన్న తపన నిర్మాతల్లో ఉంది. సినిమా విజయవంతం కావాలన్నారు’. దర్శకుడు మాట్లాడుతూ దర్శకునిగా నాకిది రెండవ సినిమా. మాస్‌ ఎంటర్‌టైనర్‌గా ఈ చిత్రముంటుంది అన్నారు. నవదీప్‌ మాట్లాడుతూ, ఇప్పటివరకు మాస్‌ క్యారెక్టర్‌ చేయలేదు. ఇది పక్కామాస్‌ చిత్రం. ఈ చిత్రంతో నాకు బ్రేక్‌ వస్తుందనుకుంటున్నాను. శ్రీహరి మంచి పాత్రపోషిస్తున్నారు. ఈ చిత్రం విజయవంతమై చిత్ర యూనిట్ అందరికీ మంచి పేరు తీసుకురావలని కోరుకుంటున్నాట్టు వెల్లడించారు.

...avnk