Posted: 08/21/2012 05:17 PM IST

       ప్రముఖ హాలీవుడ్ దర్శకుడు టోనీ స్కాట్ ఆత్మహత్యకు పాల్పడ్డారు. లాస్ ఏంజెలిస్ లోని విన్సెంట్ థామస్ బ్రిడ్జిపై నుంచి దూకి ప్రాణాలు తీసుకున్నారు. 68ఏళ్ల స్కాట్ తన ఆత్మహత్యకు గల కారణాలను వివరిస్తూ రాసిన సూసైడ్ నోట్ ను సంబంధిత అధికారులు స్వాధీనం చేసుకున్నారు. అయితే ఆ కారణాలు ఇంకా వెల్లడికాలేదు.  టోనీ దర్శకత్వం వహించిన టాప్ గన్, ఎనిమీ ఆఫ్ ది స్టేట్, బేవర్లీ హిల్స్ కాప్-2, క్రిమ్ సన్ టైడ్ తదితర చిత్రాలు ప్రపంచ వ్యాప్తంగా సినీ అభిమానులను విశేషంగా అలరించాయి. ఇంగ్లాండ్ లోని నార్త్ షీల్డ్స్ లో పుట్టిన స్కాట్.. కెమెరా వెనుక తరచు ఎరుపురంగు టోపీతోనే దర్శనమిచ్చే వారు. రెండు డజన్లకు పైగా సినిమాలు, టెలివిజన్ షోలకు ఆయన దర్శకత్వం వహించారు. స్కాట్ మృతిపట్ల పలువురు హాలీవుడ్ ప్రముఖులు సంతాపం తెలిపారు.

...avnk