Posted: 08/12/2012 05:46 PM IST

       దర్శక ధీరుడు జక్కన్న సినిమా నచ్చి పెట్టుబడిపెట్టిన చిత్రం ‘అందాల రాక్షసి’. హను రాఘవపూడి దర్శకుడిగా పరిచయమవుతూ చేసిన తొలి చిత్రం ఇది. ఈ చిత్రం శుక్రవారం విడుదలై నెగెటివ్ టాక్ సొంతం చేసుకుంది. అయినప్పటికీ బాక్స్ ఆఫీసు దగ్గర ఫలితాలు ఆశాజనకంగానే ఉన్నాయంటున్నారు రాజమౌళి. ఈ చిత్రాన్ని రాజమౌళి సాయి కొర్రపాటి కలిసి నిర్మించారు. ఈ ట్రైయాంగిల్ లవ్ స్టొరీ ద్వారా నవీన్, రాహుల్ మరియు లావణ్య తెలుగు తెరకు పరిచయమయ్యారు. ‘అందాల రాక్షసి’ చిత్రానికి మిశ్రమ ఫలితాలు వస్తున్నాయి చిత్ర విమర్శకులు మంచి రివ్యూస్ రాశారు. ఈ చిత్రం అద్భుతమైన ఓపెనింగ్స్ రాబట్టుకుంది. శని ఆదివారం వచ్చే కలెక్షన్స్ ను చూసి సోమవారం ఈ చిత్రం గురించి ఒక నిర్ణయానికి రావొచ్చని’ రాజమౌళి ట్వీట్ చేశారు. అందాల రాక్షసి చిన్న చిత్రమే అయినా సహా నిర్మాతగా రాజమౌళి, డిస్ట్రిబ్యూటర్ గా దిల్ రాజు ఈ చిత్రంలో భాగంగా చేరాక ఈ చిత్రం మీద అంచనాలు పెరిగిపోయాయి. జి మురళి అందించిన సినిమాటోగ్రఫి లావణ్య నటన ఈ చిత్రానికి హైలైట్ అయినప్పటికీ బాక్సాఫీస్ వద్ద వసూళ్లు రాబట్టలేకపోతున్నాయి. కథలో పట్టు లేకపోవటం వల్లే వీకెండ్స్ వసూళ్లు కూడా పేలవంగా ఉన్నాయని ట్రేడ్ వర్గాల తాజా సమాచారం.

...avnk