Posted: 08/07/2012 09:14 PM IST

       సంచలన దర్శకుడు రాంగోపాల్ వర్మ క్రియేటివ్ మూవీ ‘సత్య’.  జేడీ చక్రవర్తి - ఊర్మిళ జంటగా గతంలో తెరకెక్కించిన 'సత్య' చిత్రం అప్పట్లో సంచలన విజయాన్ని సాధించింది. ముంబై మాఫియా నేపథ్యంలో 1998 లో 2 కోట్ల రూపాయలతో నిర్మించిన ఈ సినిమా 15 కోట్లకి పైగా వసూళ్లను సాధించింది. అప్పట్లో ఓ సరికొత్త ట్రెండ్ ని క్రియేట్ చేసిన ఈ సినిమాకి  ఇప్పుడు సీక్వెల్ సిద్ధమౌతోంది. 'విక్కీ డోనార్' సినిమా ద్వారా నిర్మాతగా కూడా సక్సెస్ ను సాధించిన జాన్ అబ్రహం, ఇక తన సొంత బ్యానర్లో వరుసగా సినిమాలు చేయాలని నిర్ణయించుకున్నాడు.
   ఈ నేపథ్యంలో గతంలో ఘన విజయాన్ని సాధించిన 'సత్య'కు సీక్వెల్ చేయడానికి సన్నాహాలు చేస్తున్నాడు. అయితే ఈ సినిమాలో జేడీ చక్రవర్తి నటిస్తాడా? లేదంటే ఆ పాత్రలో జాన్ అబ్రహం నటిస్తాడా? అనేది తెలియాల్సి ఉంది. ఇక రామ్ గోపాల్ వర్మ ప్రస్తుతం 'భూత్ - 2 ' సినిమా పనుల్లో బిజీగా వున్నాడు. ఈ సినిమా పూర్తి చేసిన తరువాత 'సత్య' సీక్వెల్ కి సంబంధించిన క్లారిటీ వచ్చే అవకాశముంది. దీనికి సంబంధించిన ప్రాథమిక సమాచారం మాత్రం త్వరలనే వెల్లడయ్యేఅవకాశం కనిపిస్తుంది.

...avnk