Posted: 08/07/2012 03:14 PM IST

        హైదరాబాద్ నోవాటెల్ లో జరిగిన 'శ్రీమన్నారాయణ' చిత్రం ఆడియో వేడుకకి బాలకృష్ణ తనయుడు మోక్షజ్ఞా ప్రధాన ఆకర్షణగా నిలిచాడు. తమ ఫ్యూచర్ అభిమాన హీరోని చూసి అభిమానులు కేరింతలు కొట్టారు. నూనూగు మీసాలతో ఉన్నప్పటికీ, మోక్షజ్ఞాలో అప్పుడే హీరోయిజం కనిపిస్తోందని అంతా కామెంట్ చేశారు. త్వరలో హీరోగా పరిచయం చేసే ఉద్దేశంతో ఇప్పటి నుంచీ తనయుడుకి సినిమా వాతావరణాన్ని అలవాటు చేస్తున్నట్టు కనిపిస్తోంది. మోక్షను 2014 లో హీరోగా పరిచయం చేసే ఉద్దేశంలో బాలయ్య వున్నట్టు చెబుతున్నారు. నటనలోను, మార్షల్ ఆర్ట్స్, హార్స్ రైడింగ్, డ్యాన్సుల్లో శిక్షణ కోసం త్వరలో తనయుడిని లండన్ పంపించే ఏర్పాట్లు చేస్తున్నారని కూడా సమాచారం. రవికుమార్ చావలి దర్శకత్వంలో రూపొందిన ‘శ్రీమన్నారాయణ’ మీద భారీ అంచనాలే ఉన్నాయి. ఈ వేడుకలో యాంకర్ గా వ్యవహరించిన ఉదయభాను నందమూరి మోక్షజ్ఞ ఎంట్రీ గురించి నందమూరి ఫ్యాన్స్ కు తీపి కబురు చెప్పింది.

...avnk