Posted: 07/13/2012 07:00 PM IST

      వెంకటేష్ తన రొటీన్ ఇమేజ్ నుంచి బయటకు వచ్చి, చేస్తున్న చిత్రంగా 'షాడో' సినిమాని చెప్పుకోవచ్చు. ఎప్పుడూ ఫ్యామిలీ టైపు పాత్రలు పోషించే వెంకీ, ఇందులో డాన్ పాత్రలో నటిస్తున్నాడు. స్టయిలిష్ డైరెక్టర్ మెహర్ రమేష్ దర్శకత్వంలో ఈ చిత్రం 30 కోట్ల బడ్జెట్ తో నిర్మితమవుతోంది. ఒక విధంగా చెప్పాలంటే, వెంకటేష్ కెరీర్లో ఇంత బడ్జెట్ తో ఇంత వరకు ఏ చిత్రమూ రూపొందలేదు. ఈమూవీలో  శ్రీకాంత్ ఓ ముఖ్యపాత్ర పోషిస్తున్నాడు.  మెహర్ రమేష్ భారీ ఎత్తున రూపొందిస్తోన్న 'షాడో' చిత్రం ప్రస్తుతం షూటింగ్ దశలో ఉంది. ఈ సినిమా తాజా షెడ్యూలు షూటింగ్ మలేసియాలోని లాంగ్ క్వీ ఐలాండ్ లో ప్లాన్ చేశారు. ఇది చెప్పుకోదగిన టూరిస్ట్ ప్లేస్ కావడంతో ఈ షెడ్యూల్ ని ఇక్కడ ప్లాన్ చేశారు. 20 రోజుల పాటు ఇక్కడ కొనసాగనున్న ఈ షెడ్యూలుకు 8 కోట్లు ఖర్చు చేయనున్నట్టు చెబుతున్నారు. ప్రధాన తారాగణానికి సంబంధించిన కీలకమైన సన్నివేశాలను ... నాయకా నాయికల మధ్య పాటలను ఇక్కడ చిత్రీకరించనున్నారు. ఈ షెడ్యూల్లో ప్లాన్ చేసిన పోరాట సన్నివేశాలు సినిమాలో హైలైట్ గా నిలుస్తాయని అంటున్నారు. ఈ యాక్షన్ సన్నివేశాల చిత్రీకరణ కోసం స్టార్ క్రూయిజ్ షిప్పులను ... హెలికాఫ్టర్లను అద్దెకి తీసుకున్నట్టు తెలుస్తోంది. వెంకటేష్ అభిమానులకీ ... యాక్షన్ చిత్ర అభిమానులకు వెంకీ – మెహర్ రమేష్ లు కనువిందు చేస్తారేమో..

...avnk