Posted: 07/04/2012 01:54 PM IST

       చెన్నై అందం సమంత, మరో చెన్నై సుందరి త్రిష పోషించిన పాత్రను పోషించడానికి ఇప్పుడు రెడీ అవుతోంది. ప్రభుదేవా తొలిసారిగా దర్శకత్వం వహించిన 'నువ్వొస్తానంటే నేనొద్దంటానా' చిత్రంలో త్రిష కథానాయికగా నటించిన సంగతి మనకు తెలిసిందే. తెలుగులో విజయం సాధించిన ఈ ప్రేమకథా చిత్రాన్ని ఇప్పుడు ప్రభుదేవా హిందీకి రీమేక్‌ చేసే ప్రయత్నంలో వున్నారు. నిర్మాత కుమార్‌ తరౌనీ తనయుడు గిరీష్‌ ఈ చిత్రం ద్వారా హీరోగా పరిచయం అవుతున్నారు. ఇక ఇందులో హీరోయిన్‌గా సమంతను ప్రభుదేవా ఎంపిక చేసుకున్నట్టు బాలీవుడ్‌ సమాచారం. ఈ చిత్రం ద్వారా అయితే, తన బాలీవుడ్‌ ప్రవేశం బాగుంటుందనీ, మంచి ఎక్స్‌ పోజర్‌ వస్తుందనీ సమంత భావిస్తోందట. కాగా, ఇటీవల విడుదలైన 'రౌడీ రాథోడ్‌' చిత్రం మంచి హిట్టవడంతో ప్రభుదేవాకి బాలీవుడ్‌లో మంచి డిమాండ్‌ ఏర్పడింది.

...avnk